पुस्तकालयको लागि छुट्टै कोष

सरकारी तथा गैरसरकारी निकायले सञ्चालन गरेका कार्यक्रमहरु उनीहरुले सहयोग रोकेसँगै कतिपय बन्द हुने गरेका छन् ।
दातृ निकायमा नै भरपर्नुपर्ने बाध्यताका कारण निस्चित समयावधी सकिए लगत्तै ती कार्यक्रमहरु पनि बन्द हुन्छन् ।
तर रुम टु रिडको सहयोगमा परोकार प्राथमिक उपचार केन्द्रले जिल्लामा सञ्चालन गरेको कार्यक्रम भने केही भिन्न छ । उनीहरुको ग्रामिण पुस्तकालय कार्यक्रम लागु भएको जिल्लाका प्राय विद्यालयले पुस्तकालयको लागि कोषको स्थापना गरेका छन् । “कार्यक्रम सकिएपनि आफै सञ्चालन गर्न सकियोस् भनेर कोषको स्थापना गरेका छाँै । ” दाप्चा माध्यमिक विद्यालयका पुस्तकालयध्यक्ष नेपाली शाहले भने । सरस्वती माध्यमिक विद्यालय दाप्चाको पुस्तकालय कोषमा अहिले ५५ हजार रुपैया छ ।
विद्यालयका प्रधानाध्यापक विष्णुप्रसाद अधिकारी नयाँ पुस्तकहरु किन्न र यसको दिषे सञ्चालनको लागि कोषको स्थापना गरिएको बताउँछन् । “पछिसम्म चलाउन सकियोस् भनेर कोष स्थापना गरेका हौँ । ” उनले भने, “शिक्षक स्टाफ, अविभावक, विदेशी सबैले सहयोग गर्नुभएको छ । ”
दाप्चाकै कृष्ण उच्च माविमा रहेको पुस्तकालयको कोषमा अहिले १४ हजार रुपैँया छ । रुम टु रिडका विद्यालय पुस्तकालय कार्यक्रम संयोजक अनुप तिवारी कार्यक्रम लागु जिल्लाका सबै विद्यालयमा कोष स्थापना गरिएको बताउँछन् । “ यसले गर्दा यसको दिगो सञ्चालन गर्न सकिन्छ, अपनत्व पनि हुन्छ । ” उनले भने ।
२०१२ को अन्त्यसँगै परियोजना अन्तय हुँदैछ । सो समयपछि परियोजनाले पुस्तकालय विद्यालयलाई हस्तान्तरण गर्दैछ । २०१२ पछि भने एकिकृत रुपमा साक्षरता कार्यक्रम लागु गर्न लागिएको तिवारीले जानकारी दिए ।