चेतनशिलको १३ औं साधारण सभा

शारदाबतासे÷चेतनशिल बहुउद्देश्यीय सहकारी संस्था लि. १३ औं वार्षिक साधारण सभा शुक्रबार सम्पन्न भएको छ ।
नेपाली कांग्रेस काभ्रे क्षेत्र नं. २ का क्षेत्रीय सभापति रमेशप्रसाद हुमागाईंको प्रमुख आतिथ्यतामा भएको कार्यक्रममा असल ऋणी, बचतकर्ता, सामुदायिक र संस्थागत विद्यालयका तर्फबाट एसएलसीमा उत्कृष्ट अंक ल्याउने शेयर सदस्यका छोराछोरीलाई पुरस्कार सहित प्रमुख अतिथि हुमागाईंले सम्मान गर्नुभएको थियो ।
कार्यक्रममा नेपाल प्रेस युनियन केन्द्रीय कोषाध्यक्ष इश्वरी ओझा, शारदाबतासे समाजसेवी रामकृष्ण हुमागाईं, नेपाली कांग्रेस २ नं. क्षेत्रीय सदस्य श्यामकुमार हुमागाईं लगायतले शुभकामना मन्तव्य राखेका थिए ।
संस्था सचिव शुभद्रा ढुङ्गेलले वार्षिक प्रतिवेदन, कोषाध्यक्षको प्रतिवेदन दुर्गा श्रेष्ठले पेश गरेको कार्यक्रमको सभापतित्व जयन्ती हुमागाईंले गर्नुभएको थियो । संस्थामा तीनसय महिला सदस्य, दुईसय बालसदस्य रहेको र वार्षिक ५७ लाख कारोबार गर्दै आएको जानकारी दिए ।