दाप्चा क्षेत्रको विकासमा लाग

-फूलबारी, श्यामपाटी, छत्रेबाँझ, पुरानागाउँ, डराउनेपोखरी र खनालथोक लगायत ६ गाविसलाई दाप्चा क्षेत्रको रुपमा चिनिन्छ । दाप्चालाई पहिले पुर्वको व्यापारीक ढोका पनि भनिन्थ्यो । पुर्वका जिल्लाहरु भोजपुर, ओखलढुंगा, सिन्धुली, रामेछाप लगायतका जिल्लाका बासिन्दाको मुख्य व्यापारिक केन्द्र नै मानिएको दाप्चा बजारमा अहिले कुनै चहलपहल छैन । भकुण्डै हुँदै वीपी राजमार्ग खुलेपछि यहाँको चहलपहल हराउँदै गएको छ ।
धेरै ऐतिहासिक मठमन्दिर, घर, कलाकौशल, पर्यटकीय क्षेत्र रहेको दाप्चा प्रचारप्रसारको अभावमा ओझेलमा पनि परेको छ । व्यापार, वसोवास, रोजगारी,सुविधा खोजेर धेरैले दाप्चालाई छोडेका छन् । यहाँका धेरै बासिन्दा व्यापार व्यवसायबाट विस्थापित भएर बनेपा, धुलिखेल, काठमाण्डौ, वीपी राजमार्ग क्षेत्रमा पुगेका छन् । अहिले पनि दाप्चा क्षेत्र ऐतिहासिक, धार्मिक, पर्यटकीय रुपमा धनी छ । यहाँको गौतमवुद्धको पहिलो जन्मस्थलको रुपमा लिइने नमोवुद्ध, कोटकालिका मन्दिरदेखि पुराना कलाकृतिले सजाएर बनाइएका पुराना घरहरु, सबैलाई लोभ्याउने सांस्कृतिक महत्व बोकेका जात्रा र चाडपर्व बाँकी छन् । यहाँबाट विश्वको सर्वोच्च शिखर सगरमाथादेखि गणेश, अन्नपुर्ण, जुगल, गौरीशंखर लगायतका सुन्दर हिमाली श्रृखंलाहरु देख्न पनि सकिन्छ ।
महत्व घट्न थालेको थाहा पाएका यहाँका बासिन्दा दाप्चालाई चर्चित बनाउन सक्रिय हुनुपर्छ भनेर अग्रसर हुन थालिसकेका तर यति मात्रको पहल पर्याप्त छैन । दाप्चालाई पहिलाको अवश्थामा पु¥याउन दाप्चाको विशेषताहरुलाई प्रचारमा ल्याउन सक्नुपर्छ । यसलाई पर्यटकीय क्षेत्र घोषणा गर्न सकिएको खण्डमा दाप्चामा पर्यटक भित्राउन सजिलो हुन्छ । विश्व प्रसिद्ध नमोवुद्धका साथै सपनेश्वर महादेव, कोटकालिका भगवती लगायतका धार्मिक क्षेत्रका साथै कलाकौशलले भरिएको पुरानो बजार दाप्चालाई पर्यटकीय क्षेत्र बनाउन यहाँका युवा, वुद्धिजीवी, राजनैतिक नेतृत्वहरु एकजुट भएर अघि बढ्नु आवश्यक छ ।
२००२ सालमा मोटरबाटो बनेर पनि आजसम्म कालोपत्रे हुन सेकेको छ । विगत पहल कम नै भएर हुन सक्छ यो वाटो पिच हुन नसकेको तर अव सम्र्पुा दाप्चावासी यो क्षेत्रको विकासमा लाग्नुपर्ने जरुरी भैसकेको छ । पुर्वमन्त्री सत्यमान लामा, पुर्वसभासद हर्षजीत लामा, राप्रपा नेपालका केन्द्रिय सदस्य रेशम लामा, मधेशी जनअधिकार फोरम (लोकतान्त्रिक)का केन्द्रिय सदस्य गणेश लामा, सहित थुप्रै राजनीतिक नेताहरु, प्रशासकहरु, व्यापारी, व्यवसायीहरु लगायत विशिष्ठ व्यक्तिहरुको जन्मभुमि भएपनि उनीहरुले दाप्चा क्षेत्रको विकासका लागि चासो नदिएको गुनासो पनि यहाँका स्थानीयवासीले गर्ने गरेका छन् । पहिचान गुम्न लागेको दाप्चाको अस्तित्व रक्षाको लागि स्थानीयवासी सहित सम्पुर्ण राजनैतिक दल, नागरीक समाज लाग्ने हो भने मात्रै दाप्चा क्षेत्रको विकास सम्भव छ ।