जुम्ल्याहा दाजु भाइ नै इन्जिनियर

धुलिखेल÷ काठमाण्डौँ विश्वविद्यालयको अठारौँ दिक्षान्त समारोहमा कोशापारीका राम लामा र लक्ष्मण लामा पनि दीक्षित भए । मादनकुँडारी १ का रामले मेकानिकल र भाइ लक्ष्मणले इन्भाइरोमेन्टल इन्जिनियरिङको पढाइ पुरा गरेका हुन् ।
राम र लक्ष्मण जुम्ल्याहा हुन् । २०४६ मंसिर १४ गते १० मिनेटको फरकमा जन्मेका थिए उनीहरु । उनीहरुले मादनकुँडारीकै  स्वस्थानी माध्यमिक विद्यालयबाट प्रारम्भिक शिक्षा लिएका हुन् । प्रवेशिका परिक्षा भने उनीहरुले तत्कालिन महेन्द्र मावि ( हालको सृजनशिल मावि ) गरेका हुन् ।
जुम्ल्याहा दाजुभाई नै एकै पटक इन्जिनियर भएको स्थानीय समेत हर्षित छन् । उनीहरुले कक्षा ८ सम्म पढेको विद्यालय स्वस्थानी मावि विद्यालय व्यवस्थापन समितिका अध्यक्ष कुलबहादुर लामा उनीहरुको सफलतामा खुशी प्रकट गर्छन् । “जुम्ल्याहाको त अनुहार मात्रै हैन, क्षमता समेत उस्तै हुँदो रहेछ, उनले भने, “विकट गाउँका दुई दाजुभाई इन्जिनियर भएकोमा हामी सबै खुशी छौँ । ”
उनीहरुले द्धितीय श्रेणीमा केयुमा नै आइएससी उर्तीण गरेका हुन् । लक्ष्मणले अव मास्र्टस इन रिर्सच बाई ग्लासियोलोजी पढ्ने योजना बनाएका छन् । उनले केयुबाट छात्रबृती समेत पाएका छन् । रामले भने कुनै काम गरेर मात्रै मार्टसमा भर्ना हुने सोच रहेको बताए । “प्रोजेक्टमा काम गरेर मात्रै मास्टर्स तह थाल्छु । ” उनले भने ।