चोरी अभियोगमा चार जना पक्राउ

बनेपा ÷ चोरी  अभियोगमा इलाका प्रहरी कार्यालय बनेपाले चार जनालाई पक्राउ गरेको छ । च्यासिङ्खर्क गाविस–६ लड्कु पौवाका मानबहादुर तामाङ(थोकर) को घरमा चोरी गरेको  अभियोगमा उनीहरुलाई पक्राउ गरिएको हो ।
पक्राउ पर्नेहरुमा च्याम्राङबेशी–३ का सन्देश गोले,  सिन्धुपाल्चोक जिल्ला कर्थली – का शिव तामाङ, काभ्रे बल्थली – ५ का विष्णु तामाङ, ललितपुर भाडदेउका श्याम तामाङ र काभ्रे महाँकालचौर–६ छापडाँडाका सानु तामाङ रहेको इलाका प्रहरी कार्यालय बनेपाका इन्र्चाज खेम आचार्यले जानकारी दिए ।
उनीहरुको साथबाट प्रहरीले लुटेर लागेको एक लाख १६ हजार मध्ये ६१ हजार ४ सय रुपैया नगद फेला परेको प्रहरीले जनाएको छ । प्रहरीका अनुसार, उनीहरुको साथबाट थ्री नट थ्री राइफलको गोली ४ वटा , मोबाइल सेट एक थान र मुगा ६० वटा समेत फेला परेको थियो ।
फरार ४ जनाको खोजी कार्य जारी रहेको पनि आचार्यले जानकारी दिए । पक्राउ परेकाहरुलाई डाँका र हातहातियार सम्बन्धी मुद्धा अनुसार कार्वाही गरिने प्रहरीले जनाएको छ ।