नेपाल बाँची रहोस् !

–गोविन्द ब. थापा

हाम्रा प्राज्ञिक पत्रकार कवि नै ऐले म देखिरन्छु

आँखामा हिमशैल उत्तर खुली आभा फु¥या देख्दछु

यौटा सुन्दर  देश बास शिवको नेपाल यो विश्वमा

अर्को छैन हिमाल उच्च छ यहीँ कोसी सँगै साथमा ।

कर्णाली अनि गण्डकी लहरिने मेची महाकालीका

बग्ने देश विशाल चुल्बुलरिने संसारमा  कैं छ त ?

पक्कै छैन, यही छ देवगणका यो पुन्य बासस्थल

सीता, गौतमबुद्ध  धेर ऋषिको यैं नै छ जन्म घर ।

हाम्रै बेद पूराण खण्ड हिमबत् आधार भित्रै पसी

लेख्ने अद्भुत शक्तिका शिखरिणी विद्वान ढुङ्गेल यी

जस्को नाम मुकन्द सुन्दर उसै त्यस्मा प्रसादै थपी

लेख्ने नाम छ बुझ्छ  जो मनुजले सान्निध्यतामा रमी ।

जस्ले लेख्छ  र पढ्छ राष्ट्रप्रतिको माया र सत्भावना

राख्ने विज्ञ महान लेखक महाँ रोवाप्रको बन्दना  !

सातौं पुस्तकका प्रधान अतिथी स्वामी त आनन्दको

साँच्चै सूर्यसरी यहाँ अरुण झैं ऐले यहाँ लौ भयो ।

प्रश्न वाचक अभिव्यक्ती ?

कस्तो पुस्तक लेख्नु भा छ अहिले ? नेपालको हालत

के चैं भै रछ राजनीति  लिगमा पाङ्गो कता गुड्दछ  ?

साँच्चै देश दुःख्या छ यो समयमा श्री जङ्गबहादुर

जन्म्यो रे ! अव भीड तन्त्र हुनि भो  भन्छन् यहाँ मानिस

भन्छन् सुन्दछु आज  त्रासित बनी आत्मा समालोचना

हामीले पनि गर्नु पर्दछ लहै मान्छे म¥या सम्झना !

फेरी ती दिन फर्कि यो  मुलुकमा हत्या र हिंसा नहोस्

भन्दै बिन्ति गरें समस्त  जनमा नेपाल बाँची रहोस् ।