सडक महोत्सवको तयारी तिव्र

पनौती ÷ पौष १६ र १७ पनौतीमा हुने सडक महोत्सवको तयारी तिव्र भएको आयोजकले जनाएका छन् ।  “पनौती जाऔं र नयाँ गन्तव्यहरुको अवलोकन गरौं” भन्ने नारा सहित पनौती पर्यटन विकास केन्द्रले गर्न लागको महोत्सवको लागि तयारी तिव्र पारिएको हो । पनौती नगरपालिकाको  मुख्य प्रायोजन रहेको महोत्सवको  नेपाल पर्यटन बोर्ड , रोयल माउण्टेन ट्राभल्स, काभ्रे उद्योग बाणिज्य संघ र काभ्रे मिनिबस सेवा समिति प्रवद्र्धक रहेका छन् । पनौती नगर स्तरयि सहकारी समन्वय समिति,प्याब्सो पनौती, पनौती साँस्कृतिक परिषद, पनौती नेपाल, पनौती जेसीज, विकासका लागि युवा र पनौती पार्टनर्स लगायत संघसंस्थाले पनि महोत्सवको लागि सहयोग गर्नेछन् ।
महोत्सव अवधीभर साँस्कृतिक बाजागाजाहरुको प्रदर्शनी ,खाना महोत्सव, खोपासी पोखरीमा बोटिङ, स्थानीय घचालोंह खेल प्रदर्शनी मौलिक तथा परम्परागत सामग्रीहरुको प्रदर्शन गरिने मुल समारोह समितिका संयोजक शुरेस सँैजुले जानकारी दिए । उनका अनुसार,  स्थानिय तथा विशेष उत्पादनहरुकोे प्रदर्शनी ,घुम्ती बसद्धारा ५ नयाँ गन्तब्यहरुको अवलोकन समेत गरिनेछ । नयाँ वर्षको पहिलो सुर्यदयको अवलोकन गर्न पनौतीकै लामाडोल डाँडामा रात्रीशिविर समेत गरिनेछ । साँस्कृतिक देवीनाच,नेवा भोज, कलाकारहरु द्धारा सास्कृतिक कार्यक्रम समेत महोत्सवमा गरिने सैँजुले जानकारी दिए  ।
महोत्सव सम्पन्न गर्न केन्द्रका अध्यक्ष सुरेश सैजुको संयोजकत्वमा यसअघि नै ३ सय १ सदस्यीय मुल समारोह समिति समेत गठन गरिसकिएको छ ।