उपकुलपतिद्वारा पदभार ग्रहण

धुलिखेल ÷ काठमाडौँ विश्वविद्यालयका नवनियुक्त उपकुलपति डा. रामकण्ठ माकजू श्रेष्ठले पुष १ गते आफ्नो पदभार ग्रहण गरेका छन् । उनलाई विश्वविद्यालयका पदाधिकारी, प्राध्यापक तथा कर्मचारीहरूले स्वागत गरेका थिए ।
कार्यक्रममा उपकुलपति डा. माकजूले संस्थापक उपकुलपति डा. सुरेशराज शर्माले सुरु गरेको  अभियानलाई अघि बढाउँदै विश्वविद्यालयलाई विश्वस्तरमा पु¥याउन आफु प्रतिवद्ध रहेको बताए । उनले डा. शर्माको योगदानको विश्वविद्यालयले कदर गर्ने बताए ।
समारोहमा परीक्षा नियन्त्रक डा. पुष्पराज अधिकारी, स्कुल अफ इन्जिनियरिङका डिन डा. भोला थापा, स्कुल अफ साइन्सका डिन डा. पन्ना थापा र स्थानीय वासिन्दा एवं जग्गादाताका तर्फबाट पृथ्वी थापा, प्रमुख प्रशासकीय अधिकृत मुकुन्दप्रसाद उपाध्याय लगायतले डा. माकजूको आगामी चुनौतीबारे चर्चा गरेका थिए । पत्रकारहरुसँग छुट्टै छलफल कार्यक्रमको उपकुलपति माकजुले शिक्षा क्षेत्रमा हुने राजनैतिक हस्तक्षेप आफुलाई स्विकार नहुने बताए । विश्वविद्यालयको गरिमालाई कायम गर्न आफु सकृय भएर लाग्नृ प्रतिवद्धता समेत व्यक्त गरे ।