प्राधिकरण जिम्मेवार बन

विद्युतलाई अंग्रेजीमा “गुड सर्भेन्ट वट अ व्याड मास्टर ” भनिन्छ । अर्थात विद्युत एक असल नोकर हो र खराव मालिक पनि । यसले राम्रो सेवा पनि दिन्छ भने खराव घटनाहरु पनि घटाउन सक्छ ।
विज्ञान र प्रविधीको विकास सँगै विद्युत अर्थात विजुली पनि एक मानवीय आवश्यकता जस्तै भइसकेको छ । यसको उपभोग विना दैनिक जीवनयापन असहज त बन्छ नै प्राय असम्भव जस्तै हुन्छ । यसले देशको आर्थिक विकासको लागि महत्वपुर्ण भुमिका समेत खेलेको छ । यसको सही प्रयोग हुने हो, नेपालका जलसम्पदाहरुको सही प्रयोग हुने हो भने नेपालले आर्थिक क्षेत्रमा कायापलट नै हुन सक्छ ।
सकरात्मक पाटोसँगै यसको नकरात्मक पक्ष पनि छ । यसको गलत प्रयोगले ठूलो क्षति समेत निम्त्याउने सम्भावना छ । पछिल्लो समय सम्वन्धित निकाय नेपाल विद्युत प्राधिकरण लोडसेडिङ गर्ने निकायको रुपमा परिचित हुँदैछ । प्राधिकरण र यसका कर्मचारीको लापार्वाही र गैरजिम्मेवारीपनले ठूलै खतरा निम्त्याउने खतरा समेत बढिरहेको छ ।
यही घटनालाई आधार मानौँ, महादेवस्थान ४ सिउडिनटारमा बज्रयोगिनी प्राथमिक विद्यालय छ । नजिकै नेपाल विद्युत प्राधिकरणको ३ फेज हाइटेन्सन लाइन सहितको पोल छ । नजिकै फराकिलो मैदान समेत छ । विद्यालयमा अध्ययनरत विद्यार्थी फुर्सद हुने वित्तिकै यही खेलमैदानमा खेल्नको लागि पुग्छन् । पोल गाडिएको भाग माटोले पुरिँदा ट्रान्समिटर सम्म सानो उमेरका विद्यार्थीले समेत सजिलै पुग्न सक्छन् । यसले गर्दा कुनै पनि समयमा ठूलो दुर्घटना निम्तिन सक्ने खतरा समेत छ । तर पटक पटक अविभावक र स्थानीय निकायले प्राधिकरणमा गुनासो गर्दा समेत यसको सुनुवाई हुन सकेको छैन । प्राधिकरणले बेलैमा ध्यान नदिने हो भने त्यहाँ ठूलो दुर्घटना हुने सम्भावना छ ।
मैदानको सहतबाट ट्रान्समिटर ४ फिट मात्रै अग्लो छ । हातले त ३ फिट अग्लो मानिसले समेत छुुन सक्छन् । १ किलोमिटरको दुरीमा हिँगुवापाटी पm्युज स्टेशन छ , पाँचखालमा शाखा छ तर यो घटना प्रति प्राधिकरणले बेवास्ता गरिरहेको छ ।
जिल्लाका अधिकाशं भागमा प्राधिकरणले लापार्वाही गर्ने गरेको स्थानीयहरु गुनासो गर्छन् । तार रहेको स्थानमा हरिया रुखहरु काटन्, पोल लड्ने अवश्थामा पुगेको जानकारी गराउँदा समेत वेवाश्था गर्ने गरेको उपभोक्ताले गर्ने गरेको छ प्राधिकरणका कर्मचारीहरु कम तलवमा काम गर्नुपर्ने, स्थानीयले असहयोग गर्ने, कामको मुल्याङकन नहुने लगायतका कारण देखाउँदै पन्छिदै आउने गरेका छन् । चण्डेनीमण्डन, खहरेपाँगु लगायतका स्थानमा प्राधिकरणकै लापार्वाही कारण स्थानीयको मृत्यु भएको घटना समेत छन् ।
तसर्थ, प्राधिकरण जस्तो सरकारी निकायले यस्ता विषयमा समयमै जिम्मेवार बन्नुपर्छ । नत्र प्राधिकरणको लाचारी र गैरजिम्मेवारीपनको अपजस प्राधिकरण आफैले लिनुपर्छ । हैन भने जनताको प्रत्यक्ष जीवनसँग सरोकार राख्ने यस्तो विषयमा प्राधिकरण जिम्मेवार बन्नै पर्छ ।