सहकारीको कर हटाउने कुरामा सकरात्मक छौँ ः अर्थमन्त्री

बनेपा ÷ अर्थमन्त्री बर्षमान पुनले सरकारी क्षेत्रमा लाग्दै आएको कर मिनाहको लागि सरकार सकरात्मक भएको बताएका छन् । पुर्ण बजेट आएको अवश्था सरकारले नीतिगत निर्णग गर्न लागेको समेत बताउँदै उनले पुर्ण बजेट नआएको यसो हुने नसकेको बताए।
शनिवार बनेपामा सहकारी महोत्सवको उद्धघाटन कार्यक्रममा बोल्दै उनले फेरी पनि पुर्ण बजेट आउने स्थिती बने सहकारी क्षेत्रको कर मिनाह गर्ने, करलाई कोष बनाएर व्यवस्थित गर्ने विश्वास समेत दिलाए । “सहकारी क्षेत्रले करको विषयमा धेरै आग्रह र ध्यानाकर्षण गराउनुभएको छ , यो विषयमा हामी नीतिगत निर्णय गछौँ । ” उनले भने ।
सहकारी नीति २०६७ छलफलको क्रममा रहेको जानकारी दिँदै उनले १ हप्ता भित्र सरकारले सहकारी नीति सार्वजनिक गर्ने तयारी गरेको उनले बताए । “राजनैतिक संक्रमणको कारण केही ढिला भएको छ, सबै सँग छलफल गरेर यही हप्ता सहकारी नीति ल्याउँछौँ । ” उनले भने ।
पुर्ण बजेट नआएकाले कृषि मन्त्रालयको लागि पर्याप्त बजेट दिन नसकेको भन्दै उनले मलको लागि भने ६ अर्व छुट्याएकोले मलमा अव कुनै समस्या नहुने दावी गरे । उनले ७५ वटै जिल्लामा सहकारीको पहुँच भएको कारण सरकारको स्वरोजगार कार्यक्रम सहकारी संस्था मार्फत गर्न लागिएको जानकारी दिए । सहकारी गरिवी निवारणमा महत्वपुर्ण सावित भएको उदाहरण दिँदै अर्थमन्त्री पुनले सहकारी मार्फत स्वरोजगार कार्यक्रम सफल हुने विश्वास व्यक्त गरे । काभ्रे जिल्ला कृषि तथा दुग्ध उत्पादनमा अग्रणी जिल्ला भएको बताउँदै उनले यो सहकारीको देन भएको बताए ।