कारागार भित्रै एक कैदीको मृत्यु

जिल्ला कारागार कार्यलयमा एक जना कैदी बन्दीको मृत्यु भएको छ । रसुवा जिल्लाको धैवुङ १ का श्रीनेपाल भनिने १९ बर्षीय कुमार नेपालीको मृत्यु भएको हो ।
ढोकामा ठोकिएर उनको मृत्यु भएको प्रारम्भिक अनुसन्धानबाट खुलेको जिल्ला प्रहरी प्रमुख प्रहरी उपरिक्षक गिता उप्रेतीले जानकारी दिइन् । उनलाई कारागार भित्र मानसिक सन्तुल बिग्रेकालाई राख्ने ठाँउमा राखिएको थियो । उनीसँगै ज्यान मुद्धाका तनहुँका हरि सापकोटा र चितवनका कुमबहादुर कामी पनि थिए । दुवै मानसिक रोगी हुन् । ३ दिन अगाडी २०६९ पुष ९ मा मात्रै रसुवा कारागारले उनलाई काभ्रे पठाएको थियो । नेपाली मानसिक रोगको उपचार समेत गराइरहेका थिए । जिल्ला कारागार रसुवाले पुष ४ गते मानसिक रोगीको लक्षण देखाएकाले जिल्ला अस्पताल धुन्चेलाई पत्र लेखेका थिए । उनी रोगको उपचार गराइरहेका थिए ।
टाउको ठोकिएर मृत्यु भएको भनिएपनि कैदी विचको झगडा पनि हुन सक्ने भन्दै प्रहरी र कारागारले थप अनुसन्धान भैरहेको जनाएको छ । प्रहरी नायव उपरिक्षक कृष्णजी अधिकारीको संयोजकत्वमा छानवीन समिति समेत गठन गरिएको छ । जिल्ला कारागार कार्यलय काभ्रेले पनि कमजोरी भएको स्विकारेको छ । प्रमुख जेलर मातृका प्रसाद दाहालले क्षमता भन्दा बढी कैदी भएको कारणले पनि व्यवस्थापन गर्न समस्या भएको स्विकारे । ६६ जनाको क्षमता रहेको कारागारमा १ सय ६६ कैदी बन्दी रहेका छन् । यसले कारागारको सुरक्षा माथि पनि प्रश्न उठाएको छ । कारागार सुरक्षाका लागि प्रहरी सहायक निरिक्षको नेतृत्वमा १८ जना र वन्दी प्रशासनका १५ गरी ३३ जना कार्यरत छन् ।