जवरजस्तीले धेरै दिन देश चल्दैन ः राष्ट्रपति हो

क्से ÷ राष्ट्रपति डा रामवरण यादवले सबै दल मिल्नुको विकल्प नभएको दोहा¥याएका छन् । जवरजस्ती देश नचल्ने भन्दै उनले राष्ट्रको हितको लागि सबै दल मिल्नुको विकल्प नभएको बताए ।
विहिवार होक्सेमा जनता उच्च माविको हीरक जयन्ती समारोहमा बोल्दै उनले दलहरुले सत्तालाई प्राथमिकतामा राखेको कारण सहमति बन्न नसेकेको भन्दै जनताको अभिमत अनुसार अघि बढ्न दलहरुलाई आग्रह गरे । ‘जवरजस्तीको शासन धेरै दिन टिक्दैन, कुण्ठा र द्वयषले देश चल्दैन, त्यही भएर सबै मिल्नुको विकल्प छैन । ’ उनले भने । लोकतान्त्रिक विधी र प्रकृयाबाट नै दलहरुवीच सहमति खोजिनु पर्ने उनको तर्क थियो । दलहरु वीचमा सहमति भएर चुनाव गर्ने र यसबाट बन्ने संविधान नै स्थायी हुने उनले बताए । “सबैले मिलेर नयाँ चुनावबाट नयाँ संविधान बनाउनुपर्छ, जुन ५०, सय बर्षको लागि काम गरोस् । ” उनले भने । उनले जुन जुन राजनैतिक दर्शनबाट आएको भएपनि राष्ट्रलाई माथी राखेर जनताको लागि काम गर्न आग्रह समेत गरे ।
आफुले शुरु गरेको प्रकृयावाट नै राजनैतिक निकास निस्कने उनले विश्वास व्यक्त गरे । उनले दलहरु मिल्नुको विकल्प नभएको भन्दै संंविधानको धारा ३८ (१) वाट नै (अमृत) सहमति निस्कने बताए । दलहरुलाई समयसिमा तोकेर राष्ट्रपति फसेको तर्क पनि भएको होला भन्दै उनले यही प्रकृयाबाट निकास दिने दावी गरे ।
आन्दोलनका उपलव्धीहरु संस्थागत नहुँदा देशले प्रगती गर्न नसकेको पनि बताए । “देश कुन विधी र प्रकृयाबाट चल्ने भन्ने भएन, उनले भने, “कृषि, उर्जा र पर्यटनमा प्रचुर सम्भावना भएको सुन्दर देशमा केही हुन सकेन । ” उनले श्रम बजारमा प्रतिष्पर्धा गर्न सक्ने दक्ष जनशक्ति उत्पादन अहिलेको चुनौती भएको पनि बताए । सिमान्तकृत, दुर्गम क्षेत्रका र विपन्नलाई अझै शिक्षाको मुलधारमा ल्याउन नसकिएको पनि उनले बताए ।
कार्यक्रममा विद्यालयलाई सहयोग गर्ने ९ जनालाई काठमाण्डौँ विश्वविद्यालयका उपकुलपति डा. रामकण्ठ माकजु श्रेष्ठले सम्मान गरेका थिए । राष्ट्रपति यादवले विद्यालयको नवनिर्मित भवनको उद्धघाटन समेत गरेका थिए । २०१० साल पौष ३० गते जनता अप्पर प्राइमरी स्कुलको रुपमा स्थापना भएको स्कुलले ६० बर्ष् पुरा गरेको हो । हाल विद्यालयमा ५ सय १२ विद्यार्थी अध्ययनरत छन् । ४ सय ४८ जनाले विद्यालयबाट प्रवेशिका परिक्षा उत्तीर्ण गरेका छन् ।