सार्वजनिक जग्गा मिचेर घर नगरपालिका जानेबाटो भएन

सार्वजनिक जग्गा मिचेर घर
नगरपालिका जानेबाटो भएन
मापदण्ड मिच्ने घरटहरा भत्काउँछौ ः नगरपालिका
भत्काउन निर्देशन दिन्छु ः प्रमुख जिल्ला अधिकारी
धुलिखेल÷ व्यक्तिले सार्वजनिक जग्गा अतिक्रमण गरी घर बनाउँदा नगरपालिका जाने बाटो बन्न सकेको छैन । बाटो नहुँदा कार्यलयका कर्मचारी तथा सेवाग्राहीलाई समेत समस्या परिरहेको छ । जिल्ला प्रंशासन कार्यलय र महिला विकास कार्यलय काभ्रेले पनि सोही स्थानमा सेवा दिइरहेकाले ती कार्यलयका गाडीले लामो बाटो प्रयोग गर्न बाध्य छन् ।
धुलिखेल न.पा. बडा नं. ३ स्थित कि नं ११३६ क्षेत्रफल ०–३–३–० को जग्गा अष्टकाजी विजु श्रेष्ठले मिचि घर निर्माण गरेकाले सार्वजनिक बाटो नै अवरुद्ध भएको छ । यसले गर्दा नगरपालिका जाने बाटो बन्न सकेको छैन ।
मालपोत कार्यालय काभे्र र अख्तियार दुरुपयोग अनुसन्धान आयोगले पनि सार्वजनिक बाटो कायम गराउन भनेको छ । पटक पटक लिखित एवंं मौखिक जानकारी गराउँदा पनि अष्टकाजीले अटेर गर्दै आएका छन् । २०६९ माघ १९ गते पनि धुलिखेलका स्थानीय महेश कुमार यगोल, महेन्द्रलाल चोच्छे, इन्द्रलाल चाच्छे, विमल पाण्डे, मनिष श्रेष्ठ, शशि माकजुले जिल्ला प्रशासन कार्यालय काभे्रलाई संयुक्त निवेदन दिएका छन् ।
मालपोत कार्यालय काभे्रमा मिति २०५५÷९÷८ मा  धुलिखेल न.पा. ३ बस्ने तेजनाथ अधिकारीले प्रमाणका लागि प्रतिलिपि पाउन दिएको निवेदनमा उल्लेख भए बमोजिम कि.नं. ११३६, क्षेत्रफल ०–३–३–० को जग्गा नेपाल सरकारको नाममा रहेको पाइन्छ । धुलिखेल नगरपालिकाका तत्कालिन प्रधानपञ्च बेल प्रसाद श्रेष्ठले मिति २०४४ भाद्र ३१ गते दिएको सिफारिसमा पनि यो सरकारी जग्गा नै भएको छोड्नको लागि भनिएको छ ।

२०४० साल जेठ ८ गते तत्कालिन शाही नेपानी सेना जंगी अड्डाले मालपोत कार्यालयमा लेखेको पत्रमा सो जग्गा नेपाली सेनाको एकिन भएकोल नेपाली सेनाको नाममा दर्ता गरी जग्गाधनी प्रमाण–पूर्जा बनाई दिनुहुन भनी तत्कालिन सहायक गणपती रामविक्रम पाण्डेको दस्तखत गरेका छन् ।
यता धुलिखेल नगरपालिका वडा नं. ३ का तत्कालिन वडा अध्यक्ष निलकण्ठ धालाक्षेले धुलिखेल नगरपालिकालाई २०४४ भदौ १२ गतेको सिफारिसमा अष्टकाजी विजु श्रेष्ठको यजेष्ट प्रमाण पेश हुन नआएकोले अष्टकाजीलार्ई   पुन पत्र लेखि पठाउने आदेश २०४४ भदौ १५ गते प्रधानपञ्च बेल प्रसाद श्रेष्ठले दिएका थिए ।
अष्टकाजी विजु श्रेष्ठले पनि सो जग्गा सार्वजनिक हो र पहिलेको नापी मान्छु भनेर मञ्जुरीनामा दिएका छन् तर उनी अझै त्यहाँबाट हटेका छैनन् र प्रशासनले पनि उनलाई हटाउन सकेको छैन ।
धुलिखेल नगरपालिकाका कार्यकारी अधिकृत गणेश नेपालीले जग्गा मिच्ने काम भएको र नापी कार्यालयको सहयोगमा सार्वजनीक जग्गा छुट्याई कारवाही प्रकृया अगाडी बढाउने बताए । नेपालीका अनुसार, नगरपालिकामा यस्तो मापदण्ड र सार्वजनिक जग्गा मिचिएका धेरै केश रहेको जानकारी आएका छन् ।
उनले स्थानीय राजनीतिक दलको सहमतिमा त्यस्ता संरचना डोजर लगाएर भत्काईने जानकारी दिए ।
प्रमुख जिल्ला अधिकारी ऋषिराम ढकालले यसलाई नगरपालिककाले समाधान गर्नुपर्ने बताउँदै  नगरपालिकाले आवश्यक सुरक्षा माग गरे तुरुन्त प्रहरी परिचालन गर्ने जानकारी दिए ।