प्राथमिक विद्यालयमा विद्यार्थी संख्या न्युन

प्रदिप के.सी.÷ कुशादेवी
काभे्र जिल्लाका अधिकांश प्राथमिक विद्यालयमा विद्यार्थीको संख्या न्युन भएको तथ्याङकले देखाएको छ । कुशादेवी श्रोत केन्द्र अन्तर्गतका विद्यालयहरुको अवश्था पनि उस्तै देखिएको हो ।
कुशादेवी उच्च माध्यमिक विद्यालय स्रोत केन्द्र अन्तर्गत महेन्द्रज्योती, कुशादेवी र रयाले गाउँ विकास समितिमा रहेको १६ विद्यालयमा पनि विद्यार्थी संख्या कम पाईएको छ ।
स्रोत व्यक्ति नानीबाबु थापाको संयोजकत्वमा, विद्यालय निरिक्षक यमूना पोखरेल, पत्रकारद्धय प्रदिप के.सी. र सरिता सापकोटा सम्मिलित टोलीले कुशादेवी क्षेत्रमा यस्तो तथ्याङक फेला पारेका हुन् । ती विद्यालयमा शिक्षक दरवन्दी अनुसारको विद्यार्थी संख्या कम छ ।
स्रोत केन्द्र अन्तर्गत महेन्द्रज्योती गाउँ विकास समितिको गणेश भारती माध्यमिक विद्यालयमा कुल १ सय ८६ जना विद्यार्थी छन् । पञ्ंचकन्या प्राथमिक विद्यालयमा ४८ जना  विद्यार्थी र ४ जना शिक्षक, चन्द्रज्योती प्राथमिक विद्यालयमा २१ जना विद्यार्थी ४ जना शिक्षक र विद्याज्योती प्राथमिक विद्यालयमा २३ जना विद्यार्थी १ जना शिक्षक कार्यरत छन् ।
त्यस्तै कुशादेवी गाउँ विकास समिति अन्तर्गत कुशादेवी उच्च माध्यमिक विद्यालयमा ७ सय १० विद्यार्थी १८ जना शिक्षक, लालीगुराँस प्राथमिक विद्यालय कुशादेवी–४ मा ५८ जना विद्यार्थी ४ जना शिक्षक, विहावर निम्न माध्यमिक विद्यालयमा ९८ जना विद्यार्थी ११ जना शिक्षक, लालिगुराँस प्राथमिक विद्यालय कुशादेवी–९ मा ९२ जना विद्यार्थी ४ जना शिक्षक, फुल्चोकी निन्न माध्यमिक विद्यालय कुशादेवी–६ मा ५३ जना विद्यार्थी ७ जना शिक्षक, सूर्यज्योती निन्न माध्यमिक विद्यालय कुशादेवी–५ मा १ सय ३५ जना विद्यार्थी ५ जना शिक्षक अध्यापन गराउँदै आएका छन् ।
त्यसैगरी रयाले गाउँ विकास समिति अन्तर्गत शान्ति निकेतन उच्च माध्यमिक विद्यालयमा ३ सय ६६ जना विद्यार्थी शिक्षक १५ जना, शिव प्राथमिक विद्यालयमा ५३ जना विद्यार्थी ६ जना शिक्षक, भालचन्द्र माध्यमिक विद्यालयमा २ सय ८३ जना विद्यार्थी ९ जना शिक्षक, सूर्य प्राथमिक विद्यालय खानीमा १ सय १३ विद्यार्थी २ जना शिक्षक, जनज्योती प्राथकि विद्यालय बुढापोखरीमा ६ जना विद्यार्थी ४ जना शिक्षक र वाघ भैरव प्राथमिक विद्यालयमा ३० जना विद्यार्थी २ जना निजी स्रोतका शिक्षक रहेका छन् । वाघ भैरवको  विद्यालय भवन छैन, व्यक्तिको घरमा पठन पाठन गरिएको छ ।
विद्यार्थी अनुपातमा शिक्षक दरवन्दी नहुँदा त्यसको प्रत्यक्ष असर शिक्षाको गुणस्तरमा पर्दै आएको छ । केहीमा दरवन्दी धेरै छन्, विद्यार्थी छैनन् त केहीमा विद्यार्थी भएपनि दरवन्दी छैनन् ।