नाटक गर्दै समस्या समाधान

धुलिखेल ÷ शिल्पी नाट्य समुहको कचहरी नाटक “नारी” मा २ जनाले ललाइफकाइ एक स्कुले छात्रालाई कामको लागि भनेर सिमा कटाउँदै थिए । त्यतिकैमा नाटक रोकियो । एक जना प्रवेश गरेर भन्न थाले, “अव बेचिन लागेकी यी चेलीलाई कसरी बचाउन सकिन्छ ? ” । नाटक हेर्दै गरेकी एक सहभागीले यो समस्याको समाधान सुझाइन् ।
अमेरिकी सहयोग नियोग (युएसएआइडी) को सहयोगमा द एशिया फाउण्डेशन मार्फत कानुनी सहायता तथा परामर्श केन्द्रले गरेको तीन दिने प्रशिक्षक प्रशिक्षण कार्यक्रममा उक्त नाटक देखाएको थियो । ७० भन्दा बढी स्थानमा मञ्चन गरिएको नाटक विचमा एउटा समस्यामा गएर रोकिन्छ र सहभागी विचमा छलफल गराएर समस्याको समाधान निकालिन्छ । नाटकमा लैङिक विभेद, यौन दुव्र्यवहार, वैदेशिक रोजगारीमा ठगि लगायतका विषयबस्तु समेटिएका थिए ।
काभ्रेका ८७ वटै गाविसमा सुरक्षित बसाईसराई तथा मानव वेचविखन नियन्त्रण सम्वन्धी कार्यक्रम गरिरहेका ती संस्थाले ६ गाविसका १८ जनालाई परामर्श क्षमता बढाउन ३ दिने प्रशिक्षक प्रशिक्षण तालिम दिएको हो । फेरी २ दिने तालिम गर्ने र उनीहरुले नै सबै गाविसमा तालिम चलाउने संस्थाले जनाएको छ ।