श्रीमती सुत्केरी, श्रीमान बिरामी, मजदुर दम्पतीको बिचल्ली

बनेपा÷ “श्रीमती सुत्केरी भएको १५ दिन मात्रै भयो, यता आफ्नो समेत द्वै मृगौला खराव भनेको छ । ” सिन्धुली बस्तीपुर  १ घर  भएका आईतसिंह तामाङ्गले दुखेसो पोखे ।
उनी श्रीमती सुनमाया सँगै बनेपामा डेरा लिएर ३ बर्षदेखि मजदुरी गर्दै आएका छन् । आईतसिंहका दुई सन्तान मध्ये पहिलो सन्तान छोरी १४ महिनाको मात्र छिन् । कान्छो सन्तान छोरा जन्मेको १५ दिन भयो । “छोरो जन्मेको ३ दिनपछि नै म बिरामी परे, न सुत्केरीको स्याहारसुसार गर्न सकिरहेको छु, भएको पैसा पनि सकियो, न म नै बाँच्न सक्ने भए । ” आइत सिंहले दुखेसो पोखे  ।

अपिल
हामी निकै समस्यामा छौँँ । सहयोग गर्न चाहानुहुने महानुभाव तथा संस्थाहरुले मेरो  मोबाईल नम्बर ९८४९४३८२१२ मा सम्पर्क गरी सहयोग गर्न सक्नुहुनेछ । हामी बनेपा तिनदोवाटो नजिकै राधेराधे भवनको तल्लो घरमा कोठामा बस्दै आएका छौँ ।
आइतसिं र सुनमाया
दुबै मृगौला फेल भएको अस्पतालले बताए पछि उनी अहिले आफ्नो उपचार कसरी गर्ने भन्ने चिन्तामा छन् । अझ,  १५ दिनकी सुत्केरी श्रीमतीलाई दुईछाक दालभात समेत जोर्न नसक्ने अवस्थामा छन् उनी ।
उपचारको लागि उनीसँग अहिले कुनै रकम छैन । कोठामा बसेकाहरुसँग घरभेटीले चन्दा उठाएर अस्पतालत पु¥यायो तर अस्पतालले उनको दुबै मृगौलामा खराबी भएको र थप उपचारको लागि काठमाडौंमा जान भनेको छ । तत्काल उपचार नगरे समस्यामा पर्ने बताए पनि रकम अभावका कारण उनले थप उपचार गर्न सकिरहेका छैनन् । उमेरले ३६ बर्षका आइतसिंह तामाङ  र उनकी श्रीमती सुनमायाले मजदुरी गरेको रकमले बनेपा गोदाम चोकमा केही महिना अघि सानो होटल खोले पनि उनको होटल चल्न सकेन । त्यसपछि होटलका सामानलाई कोठामै थन्काएर पुनः मजदुरीमा फर्किएका आइत सिंह श्रीमती सुत्केरी भएपछि श्रीमती स्याहारेर बस्दै थिए । आफूपनि बिरामी परेपछि उनी अहिले समस्यामा परेका छन्  । “यही होटलको सामान मात्र बिके पनि त केही हुन्थ्योकी ” तामाङ्गकी श्रीमती सुनमायाले दुखेसो पोखिन् ।