मूल्यबृद्धि नियन्त्रण गर

एउटा भैंसीको मूल्य ७० हजार पर्ने भएपछि अव कृषकहरुलाई दूधका मूल्य सरकारले वढाउनु पर्छ । अहिलेको अवस्थामा भैंसी किनेर पाल्न सकिने अवस्था समेत छैन भनी किसानहरुले गुनासो पोखिरहेका छन् ।
बल्ल भैंसी ७९ देखि ७५ हजार तिरेर ल्यायो त्यसपछि दाना, ढुटो, घाँस पानी गर्दा वेचेको दूधबाट खासै फाईदा नभएको किसानहरुले दुखेसो गर्दै आएका छन् । कृषकहरुले दूधको उचित मूल्य नपाउँदा प्रति लिटर ९ रुपैयाँ घाटामा दुध वेच्नु परेको, वहुसंख्यक पशुपालक कृषकहरु रहेको जिल्लामा दुधालु वस्तुहरु किनवेच गर्ने एउटा पनि स्रोत केन्द्र छैनन् । पछिल्ला दिनहरुमा विशेष गरि भैंसीहरु मासुका लागि प्रयोग हुन थालेपछि गाउँ–गाउँमा भैंसीको अभाव भने हुन थालिसकेको छ । अव समयमा नै सरकारले पाढा–पाढी पालन कार्यक्रम अगाडी नवढाएमा भैंसी लोप हुने अवस्थामा छ ।
अव व्यवसायिक रुपमा गाई पालन गर्दै आएकामा कृषकहरुलाई वेलैमा व्यवसायिक रुपमा नै भैंसीपालन कार्यक्रम ल्याएमा भैंसीमो मूल्य केही हदमा घट्न सक्छ । त्यसमा पनि किसानहरुले स्थानिय जातका गाई भैंसीहरु उत्पादन गर्ने चेतना जगाउन जिल्ला पशुसेवा कार्यालयले किसानहरुलाई तालिम प्रदान गरी स्थानिय गाई भैंसीको जातलाई जोगाउनु पर्छ ।
स्थानिय स्तरमा रहेका पाढापाढीहरु हुर्काउन कृषकहरुलाई जागरुक गराउने हो भने आकाशिएको दुधालु पशुहरुको मूल्य नियन्त्रण हुने थियो र न्यून आय भएका कृषकहरुलाई प्रत्येक्ष रुपमा लाभ दिन सक्ने योजनाहरु तयार गरी कार्यान्वयन पक्षमा लैजानु जरुरी भैसकेको छ ।