काभ्रे विकासमा राजदूत रेजीले सघाउने

धुलिखेल ÷ नेपालका लागि भारतिय राजदूत रंजीत रेजीले नेपाल भारतको सम्बन्ध पुस्तौंदेखि गाढा रहेको छ ।
उक्त राजदूत रेजीले नेपाल भारत मैत्री संघ काभ्रेद्वारा आयोजित मित्रराष्ट्र भारतको ६५ औं गणतन्त्र दिवसको उपलक्ष्यमा नेपाल भारतको युवाहरुको सम्बन्धः हिजो, आज र भोलि विषयक विचार गोष्ठीमा शुक्रबार धुलिखेलमा बताएका हुन् ।
राजदूत रेजीले काभ्रेको विकासका लागि भारतको दूतावासमा दीगो रुपमा प्रस्ताव लिएर आएमा हरेक कुरामा हामी सघाउन तयार रहेको बताउँदै सभासद् तीर्थबहादुर लामालाई संकेत गर्दै काभ्रेका कुनाकाप्चामा कार्यक्रम राखेर शिक्षा स्वास्थ्य र जनस्रोतका प्रस्ताव लिएर आउन अनुरोध गरेका थिए ।
भारतिय दूतावासले काठमाडौं विश्वविद्यालयमा गरेको सहयोगको चर्चा गर्दै नेपालका यूवा पिढिँले आर्थिक सम्बन्ध प्रगाढ बनाई जलस्रोत, जडिबुटि र पर्यटनका विषयहरुमा पनि पूर्ण सहयोग गरिने वचनबद्धता व्यक्त गरेका थिए ।
नेपाली कांग्रेसका केन्द्रीय सदस्य एवं सभासद् बालकृष्ण खाँडले नेपाल र भारत धार्मिक, भाषिक, सिमाना र रहनसहनले नेपालको भारतसँगको सम्बन्ध गाढा भएको चर्चा गर्दै नेपाली जनतालाई शान्ति र लोकतन्त्र दिलाउन भारत सरकारको ठूलो हात रहेको चर्चा गरेका थिए ।
यता भारतको रक्षाका लागि पनि नेपालका नेता महामानव विपि कोइराला, गणेशमान सिं, कृष्णप्रसाद भट्टराईले भारत स्वतन्त्र आन्दोलनमा खेलेको भूमिका नेता खाँडले व्यक्त गरेका थिए ।
भारतका लागि नेपालका पूर्व राजदूत एवं राजनीतिक विश्लेषक लोकराज बरालले नेपाल भारतको सम्बन्धबारे जनस्तरमा पु¥याउनुपर्ने कुरामा जोड दिँदै यस्ता कार्यक्रमहरु होटलहरुमा सेमिनार नराखी नेपालका गाउँ गाउँ र कुनाकाप्चाका जनतामाझ नेपाल भारतको सम्बन्धको बारेमा कार्यक्रम राखिनुपर्ने कुरा राख्दै नेपाल र भारतको युवाहरुले सुष्म दृष्टिकोणबाट सोचि अगाडी बढ्नुपर्ने बताएका थिए ।
कार्यक्रममा सभासद् तीर्थबहादुर लामा र कमला दोङ, चन्द्र लामा, तमलोपाका श्रीकृष्ण सिंह लगायतले नेपाल भारतको सम्बन्ध बारेमा चर्चा गरेका थिए भने कार्यक्रमको सभापतित्व नेपाल भारत मैत्री संघका अध्यक्ष एवं सभासद् महेन्द्र यादवले गरेका थिए ।