त्यागी नेताको कार्यशैली हेर्नुछ

गिरिजाप्रसाद कोइरालाका सहयोगी हुँदै कांग्रेस भक्ति नै सुशिल कोइराला प्रधानमन्त्री बन्नु मुख्य कारण हो । उनका विरोधीहरु पनि प्रधानमन्त्री कोइरालालाई कुटिल चाल गर्ने पात्रका रुपमा चिनिँदै आएका छन् ।
कांग्रेस नेता गणेशमान सिंह र कृष्णप्रसाद भट्टराईसँग गिरिजाप्रसादको दूरीका सुत्रकार पनि सुशिल नै हुन् र उनी निर्धनता, सादा खानपान, जीवनशैली नेपाली राजनीतिमा मौलाएको सुविधाभोगी, सुखसयल र दरबार किनेर बस्ने नेताहरु सामु देखाइ दिए आफू कांग्रेस पार्टीको नेतृत्व गरी संविधान सभामा ठूलो पार्टीका रुपमा विजयी गराउन सफल भए ।
नेपालका नयाँ प्रधानमन्त्रीका रुपमा सुशील कोइरालाको विजयीले जीवनमा दुई किसिमका कालखण्ड देखा परे । बितेको कालखण्डमा एमाओवादीलाई जनताले धेरै आशा गरेका थिए, तर सत्ता पैसा र चलखेलमा बित्यो । देशमा नचाहिने किसिमको एकल जातिय पहिचानका कारण आजित भएका मतदाताले दोस्रो संविधान सभा निर्वाचनबाट सुशिल कोइरालको नेतृत्वमा नेपाली कांग्रेस पार्टीलाई अगाडी बढाए ।
जसले एक निष्ट भई आफ्नो आराध्यको उपासना गर्छ, त्यसका सम्पूर्ण आवश्यकताहरुको परिपूर्ति पनि आराध्यले नै गर्छ भन्ने उदाहरण प्रधानमन्त्री सुशील कोइराला उदाहरणको पात्र बनेका हुन् । कोइरालाको कार्यकालमा देशमा संविधान बनाउनु प्राथमिकतामा राख्नुपर्छ । एमालेसँग मन्त्रालय बाँडफाँडमा चर्काे मनमुटाव भएको छ । गृह मन्त्रालयको विवाद हुनुमा छ महिनाभित्र स्थानीय निर्वाचन गर्ने भनेकाले आएको हो । यतिका वर्षसम्म जनप्रतिनीधि विहिन भएर त भयो तर एकवर्ष भित्रमा संविधान निर्माण गरी संविधानले दिएको निर्देशन बमोजिम निर्वाचन गरिनुपर्नेमा किन पार्टीहरुले विवाद गरेका हुन् बुझ्नु जरुरी छ र संविधान आउजेल एमालेसँगको गठनबन्धन जोगाउनुपर्छ ।
कांग्रेसप्रति निष्ठापूर्ण भक्तिका कारण सुशील कोइाराल प्रधानमन्त्रीको पद मन्त्रालयलाई प्रतिष्ठाको विषय नबनाई अवसरलाई एकनिष्ट रुपमा संविधान निर्माण गर्नतिर केन्द्रीत गरिनुपर्छ । सुशील कोइारालाले जस्ता महान् नेताले कांग्रेस एमालेको व्यवहार शत्रु शक्ति नभई साथ लिएर सहयात्रीशक्ति मानेर अगाडी बढ्दै गए अहिलेको विवाद मिल्दै जाने थियो र देशमा एकवर्षभित्र संविधान निर्माण र स्थानीय निकायको निर्वाचन हुने निश्चित थियो ।