फाँसीको सजाय ल्याइनुपर्छ

राज्यमा कडा कानूनको व्यवस्था नहुँदा महिला हिंसाका घटनाहरु बढ्दो छ । गत एक महिनामा मात्र सातवटा बलात्कारका घटना भएका छन् । पिडित पक्षले निवेदन दिएपनि कानूनको अभावमा कतिपय मुद्दाहरु फितलो भई पिडितले न्याय समेत नपाएका उदाहरणहरु समाजमा प्रशस्त भेटिन्छन् ।
महिला हिंसामा बलात्कार मात्र नभई बलात्कारपछि पोल खुल्ने डरका कारण बलात्कारीहरुले हत्या गरेका घटनाहरु काभे्रमा देखिन थालेका छन् । भाद्र २७ गते साँझ उग्रतारा ७ का राशन बोगटीले बलात्कारपछि हत्या गरि बाघले लग्यो भनि हल्ला गरि गाउँलेलाई खोज्न हल्ला गर्दा शनिवार सातवर्षे सलिना वोगटीको लास खोल्सामा ढुङ्गाले थिचेर राखेको अवस्थामा फेला परेको थियो ।
सलिना वोगटीको बलात्कारपछि हत्या भएको घटनामा रोशन वोगटीको पोलियोग्राफ गरेको छ र बलात्कारपछि हत्या भएकाले डिएनए परिक्षणका लागि प्रहरीले पठाएको छ । रोशनले महिलेमात्र हैन आयुष बानियाले पनि भन्ने वयान दिएको छ, तर आयुषले स्वीकारेको छैन । यसरी घटना रहस्यमय देखिन गएको छ ।
यता अन्तरजातिय विवाहको कचकचले गर्दा झुक्याएर चार महिना अघि पनौती ११ कि २० वर्षिय राधिका घिमिरेले सिन्धुलिका २९ वर्षिय नवराज रिजाल (विक) ले प्रेमविवाह गरेकी थिईन् । यसरी झुक्याएर प्रेम विवाह गर्ने युवक रिजालले भदौ ९ गते घाटी थिचेर श्रीमती हत्या गरी धान खेतमा फालेर फरार रहेको कुरा  प्रहरीले जनएको छ ।
यस्ता महिला हिंसा पनि काभ्रेमा बढ्दो छ । आफ्नै बुबा र हजुरबुबाले बलात्कार गरेको भनि भदौ ९ गते  छोरीले पनौती २ सुव्वागाउँका प्रकाश कार्की र हजुरबुबा इन्द्रबहादुर कार्की बिरुद्ध किटानी जाहेरी दिएपछि बाबु प्रकाश प्रहरी हिरासतमा रहेका र हजुरबुबा इन्द्रबहादुरले आरोप सहन नसकी मङ्गलबार विष सेवन गरी आत्महत्या गरेको प्रहरीले जनाएको छ ।
यस्ता घटनाहरु किन र कसरी हुन्छन्, जिम्मेवारी र नियन्त्रणका लागि विद्यालयस्तरदेखि चेतना जगाउनुपर्छ र नेपालमा यस्ता खाले घटना घटाउनेहरुलाई फाँसीको सजायँ ल्याइनुपर्छ ।