आधुनिक कृषितर्फ लागौ

यतिबेला खेती लगाउने मुख्य सिजन हो । तर किसानहरुलाई धेरै समस्या छन् । कहिले काहिं रासायनिक मलको अभावले समस्या छ त कहिले ज्यालदर वढेपछि उनीहरुलाई समस्या पर्ने गरेको छ । यतिबेला पानी कम परेपछि रोपाईं गर्न समस्या परेको छ ।ज्यालादरमा मनलाग्दी छ । काम गर्ने कृषि मजदुरको ज्यालादर उच्च रुपमा वढीरहेकै बेला अहिले जिल्लामा गोरुको ज्यालादर पनि ह्वात्तै वढेपछि किसानहरु समस्यामा परेका छन् । विगत वर्षहरुमा १५ सय देखि २ हजारमा जति पनि गोरु पाइन्थ्यो । तर यसवर्ष त २५ सय तिर्दा पनि पाइएन । गाउँघरमा गोरु पाल्ने कृषकहरुको संख्या घटेका कारण यस्तो समस्या आएको हो ।

अहिले धेरैजसो कृषकहरु हाते ट्याक्टर र पावरटिलर खरिद गरेर कृषिमा आधुनिक प्रविधी भित्र्याउन लागि परेपनि ट्याक्टर प्रयोग गर्न नसकिने कतिपय खेतीयोग्य जमिनमा अझै पनि गोरुकै प्रयोग गरेर खेती गर्नुपर्ने बाध्यता छ । सबै ठाउँमा लैजान सकिने हाते ट्याक्टरको पहुँचमा कृषकहरुलाई पु¥याउन सके गोरुको आवश्यकता नपर्ने कृषकहरुको भनाइ छ । पछिल्ला दिनहरुमा पहिले भन्दा धेरै कृषकहरुले ट्याक्टर प्रयोग गर्न थालेको भएपनि यो पर्याप्त छैन । उता गोरुपालक कृषकहरुका पनि आफ्नै समस्या छन् । यो ज्याला पनि नपुगेको उनीहरु भन्छन् । एकदिनको ज्याला २५ सय लिंदा पनि घाटा भएको बताउँछन् । गोरुलाई वर्षभरि पाल्ने खर्च यो भन्दा धेरै गुणा वढी छ । त्यसको तुलनामा यो ज्याला अझ थोरै भएको पाइन्छ । जिल्ला कृषि विकास कार्यालयले भूकम्प पीडितले सहुलियतमा कृषियन्त्रहरु खरिद गर्न सकिने भने पनि त्यो कसरी गर्ने भन्ने कृषकहरुलाई थाहा छैन । केहि दिन अघि जिल्लाको नमोबुद्ध नगरपालिकामा हाते ट्याक्टरहरु वितरण गरेपनि कार्यालयले जिल्लाका अन्य भागमा पठाउन सकेको छैन ।
सकेसम्म सबै ठाउँमा छिट्टै हाते ट्याक्टरहरु पठाउने कार्यक्रम रहेको भने पनि त्यो कहिलेसम्म पठाइने भन्ने कार्यालयले प्रष्ट पारेको छैन । जसले गर्दा किसानहरु समस्यामा छन् । सहुलियतमा कृषियन्त्र, ट्याक्टरहरु खरिदको व्यवस्था भए गोरुको समस्या पुरै हट्ने थियो भने कृषिले पनि आधुनिकीकरण पाउने थियो