काभ्रेली स्रस्तालाई चारुशिला प्रतिभा पुरस्कार

काठमाडौं । लामो समयदेखि काभ्रेलाई अफ्नो कर्म थलो बनाएर नेपाली भाषा र साहित्यको सेवा गरे बापत चारुशिला वाङ्मय प्रतिष्ठानले २०७७ को चारुशिला प्रतिभा पुरस्कार साहित्यकार सूर्यप्रसाद लाकोजूलाई प्रदान गरेको छ ।
नगद तीस हजार र प्रमाणपत्र सहित गरिने प्रदान गरिने सो पुरस्कार २०७६ सालदेखि दिन थालिएको हो । २०७६ का लागि सो पुरस्कार रंजना निरौलालाई प्रदान गरिएको थियो ।
कार्यक्रममा चारुशिला पुरस्कार २०७६ बाट साहित्यकार प्रा. शिवगोपाल रिसाल, रमा शर्मा पुरस्कृत भएका थिए । त्यस्तै चारुशिला पुरस्कार २०७७ बाट मुकुन्दशरण उपाध्याय र गीता केशरीलाई नगद रु पचास हजारसहित पुरस्कृत गरिएको थियो ।
चारुशिला मिश्रबाट स्थापित सो पुरस्कार हरेक वर्ष प्रदान गर्दै आएको भएतापनि कोभिडका कारण यो वर्ष २०७६ र २०७७ सालको पुरस्कार वितरण गरिएको हो । कार्यक्रम प्रतिष्ठानका अध्यक्ष साहित्यकार शैलेन्दुप्रकाश नेपालको सभापतित्वमा सम्पन्न भएको थियो ।