चाहना राख्ने हो भने असम्भव भन्ने केही छैन ः प्रजापति

काठमाडौं । सामाजिक रुपमा को कस्तो भन्ने सवालमा उसको व्यवहारले पुष्टि गर्दछ । राष्ट्रिय राजनीतिमा कसको कति पहुँच छ, त्यो व्यक्तिले समाजमा खेल्ने भूमिकाले अर्थ राख्दछ ।
काभ्रेली राजनीतिमा नसोचेका गतिविधिहरु नभएका होइनन् तर राजनीतिलाई कुन किसिमबाट प्रयोग गर्ने त्यो व्यक्तिमा भर पर्दछ । यसभन्दा अगाडि पनि काभ्रेली भूमिले त्यो क्षेत्रमा भूमिका निर्वाह गर्ने व्यक्तिहरु नपठाएको होइन । तिनले के कति सामाजिक दायित्व निर्वाह गरे, त्यसको लेखाजोखा भविष्यमा हुने नै छ । पछिल्लो घटनाक्रमलाई केलाउने हो भने कृषि तथा पशुपंक्षी विकास मन्त्री महिन्द्र राय यादवका स्वकीय सचिवका रुपमा जिम्मेवारी बहन गरेका काभ्रेली युवा सवरकुमार प्रजापतिले छोटो अवधिमै काभ्रेली भूमिका लागि करोडौंका योजनाहरु ल्याउन सफल भएका छन् । स्मरणीय कुरो के छ भने कृषि क्षेत्रमा मात्र नभई पूर्वाधार निर्माणका क्षेत्रमा पनि उनको पहलमा निकै योजनाहरु काभ्रे भित्रिएका छन् । जस्तै ः पनौती नपा वडा नं. ४ मा खड्याङखुडुङ्ग हुमागाईं टोल, कट्या पोखरी हुँदै पिपलाडाँडा सडक आयोजना, हिले जलजले दोस्रो खानेपानी आयोजना, बनेपा नगरपालिका १, २ र १०, लामिछाने गाउँ खानेपानी आयोजना बनेपा–२, भैंसेपाटी खानेपानी आयोजना बनेपा न.पा. १२, १३ र १४, कालिकास्थान खानेपानी आयोजना मण्डनदेउपुर न.पा., पाँचखाल खानेपानी आयोजना बखैली–७ समेत करोडौंका योजनाहरु भित्रिएका छन् ।
त्यसैगरी संघीय सरकार वन तथा वातावरण मन्त्रालयबाट दुति पहिरो नियन्त्रण, चौरीदेउराली काभ्रे, सिमसारमा आधारित पर्यापर्यटक प्रवद्र्धन गहते सामुदायिक वन उपभोक्ता समिति नमोबुद्ध–१, धुलिखेल नगरपालिका, महाभारत गाउँपालिका, बनेपा नगरपालिका, पनौती नगरपालिका, नमोबुद्ध नगरपालिका, पाँचखाल नगरपालिका, चौंरीदेउराली गाउँपालिका, तेमाल गाउँपालिका लगायतका काभ्रेका १३ वटै पालिकामा भित्रिएका योजनाहरु रातो किताबमा देख्न र पढ्न सकिन्छ । यि विभिन्न आयोजनाहरु भित्र्याउन सफल भएका प्रजापति काभ्रेका लागि अनुकरणीय पात्रका रुपमा अगाडि आएका छन् ।