काभ्रेली साहित्यिक धरोहरलाई सुदूरपश्चिमले सम्झियो

काभ्रे । काभ्रेको गौरव वरिष्ठ साहित्यकार मोहन दुवाललाई डोट्याली भाषाको ‘गुगुल्डी’ पत्रिका र प्रकाशन परिवारले एक समारोहबीच महेन्द्रनगरको कञ्चनपुरमा सम्मान गर्ने भएको छ ।
आयोजक संस्थाले जानकारी दिँदै यही आषाढ २४ गते भाषा–साहित्यको सेवा, सिर्जना र संप्रेषण गर्दै ‘जनमत’ जस्तो अत्यन्त विख्यात साहित्यिक मासिक पत्रिका ३९ वर्ष अघिदेखि प्रकाशन गर्दै साहित्यिक पत्रकारितामा उच्च नाम बनाई आफूलाई साहित्यिक पत्रकार र साहित्यकारको रुपमा चिनाउन सफल स्रष्टा दुवाललाई डोट्याली भाषाको ‘गुगुल्डी’ पत्रिका र प्रकाशन परिवारले सम्मान गर्ने जनाएको छ ।
काभ्रेली साहित्यिक प्रेमीहरुका लागि यो सुखद क्षणका रुपमा लिन सकिन्छ । राष्ट्रियस्तरमै पहिचान बनाउन सफल वरिष्ठ साहित्यकार दुवाल साहित्यिक क्षेत्रका मुर्धन व्यक्तित्वका रुपमा काभ्रेली स्रष्टाले सम्मान गर्दै आएका छन् । यो सम्मानले अझ साहित्यिक फाँटमा कलम चलाउनेहरुका लागि उर्जा प्राप्त हुने विश्वास गरिएको छ ।