धनुषा प्रहरीको सक्रियता १ करोड बरारबरको अवैध मेडिकलका विभिन्न उपकरणहरू सहित ३ जना पक्राउ

जनकपुर । खोजतलास तथा अनुसन्धानका गर्ने क्रममा गोप्पे सूचनाको आधारमा जिल्ला प्रहरी कार्यलय धनुषाबाट प्रहरी नायब उपरीक्षक दिपक कुमार रायको कमाण्डमा खटेको प्रहरी अधिकृत सहितको टोलिले गत असार ३१ गते जनकपुरधाम उप–महानगरपालिका वडा नं. ९ स्थित बिनय कुमार झाको घरमा कोठा भाडा लिई बस्दै आएका जिल्ला मधुवनी थाना जयनगर–२, भारत बस्ने राम दास सिंहको छोरा बर्ष ५२ को बिपीन कुमार सिंह समेतले मेडिकलसंग सम्बन्धित विभिन्न उपकरणहरु अबैध रुपमा भन्सार छली चोरी पैठारी गरी ल्याई आफु बस्दै गरेको घर कोठामा राखेको अवस्थामा पक्राउ गरेको छ ।

सुचनाको आधारमा संकास्मत व्यक्ती बस्ने कोठा अगाडी रोकेर राखेको BR 01 PK नम्बरको स्कर्पियो खानतलासी गर्दा अबैधरुपमा भन्सार छली चोरी पैठारी गरी लुकाई छिपाई राखिएका मेडिकल सम्बन्धि उपकरणहरु बरामद भएको हो। अन्दाजी मुल्य रु. १ करोड बराबरको उक्त गाडी तथा सर सामानहरु आवश्यक कार्वाहीको लागि भन्सार कार्यालय जनकपुरमा पठाएको धनुषा प्रहरी प्रवक्ता प्रहरी नायव उपरीक्षक प्रदिप बहादुर क्षेत्रीले बताए ।