परासीको करदाता सेवा कार्यालयले संकलन गर्याे ८० करोड ८७ लाख राजश्व

टीकाराम गैरे
नवलपरासी । करदाता सेवा कार्यालय परासीले राजश्व संकलनका लागि लक्ष्य नजिक पुगेको छ । गत आर्थिक बर्ष देखी परासीमा राजश्व संकलन गर्ने उदेश्यले मात्रै खुलेको करदाता सेवा कार्यालयलाई तोकिएको लक्ष्य नजिक पुगेको कार्यालयको तथ्याँकले देखाएको हो ।
कार्यालयको तथ्याँक अनुसार आर्थिक बर्ष २०७८÷०७९ मा कुल ८५ करोड राजश्व संकलन गर्ने लक्ष्य भएकोमा ८० करोड ४७ लाख संकलन भएको छ । जुन प्रतिसतमा ९४.६७ प्रगति भएको उल्लेख छ । राजश्वका विभिन्न शिर्षकमा संकलन भएको रकम मध्ये सबै भन्दा बढि मुल्य अभिवृद्धि कर (भ्याट) रकम संकलन भएको कार्यालय प्रमुख करअधिकृत विकल्प भट्टराईले बताए । जस्मा ३५ करोड ४८ लाख रकम उठाउने लक्ष्य भए पनि ३१ करोड १४ लाख अर्थात १२२.२४ प्रतिसत प्रगति देखिन्छ । त्यस बाहेक अन्य शिर्षकमा लक्ष्य भन्दा कम राजश्व संकलन देखिन्छ ।
आयकरमा ४५ करोड ८९ लाख लक्ष्य भएको तर ४० करोड ९८ लाख प्रतिसतमा ८९.३ छ । बहालकरमा १ करोड ९१ लाख लक्ष्य भएकोमा १ करोड ३६ लख प्रतिसतमा ९९.५ रहेको छ । त्यसैगरि अन्तशुल्क ८ करोड ९८ लाख लक्ष्य भएकोमा ५ करोड २९ लाख ५९ प्रतिसत,ब्याजमा ३ करोड ३८ लाख लक्ष्य भएकोमा २ करोड ४ लाख प्रतिसतमा ६०.३७ रहेको छ । स्वास्थ्य सेवा शुल्क २२ लाख २ हजार लक्ष्यमा ३९ प्रतिसत १.७७ प्रतिसत छ । शिक्षा सेवा शुल्कमा ३ लाख ९ हजार लक्ष्य भएकोमा ३५ हजार प्रतिसतमा ११.३२ रहेको छ । पहिलो बर्ष लक्ष्य तोकेर परासीबाट राजश्व संकलन सन्तोषजनक नै रहेको करअधिकृत भट्टराईले जनाए ।
जिल्ला भित्र धेरै उद्योग कलकारखाना भएको तर तिनीहरुले अन्तशुल्क अझै भैरहवा राजश्व कार्यालयमै बुझाउने भएकोले अन्तशुल्क लक्ष्य अनुसार उठ्न सकेको छैन् । निकासी हुने मालबस्तुमा लाग्ने अन्तशुल्कका लागि प्रमाणपत्र जारी गर्नु पर्ने हुन्छ,उनले भने, तर अहिले परासी करदाता सेवा कार्यालय भन्दा भैरहवा राजस्व कार्यालयमै शुल्क बुझाउने र प्रमाणपत्र लिइने हुदा अन्तशुल्क कम देखिएको हो । करदाता सेवा कार्यालयबाट कार्यालयमा परिणत भए पछि बढि राजश्व उठ्ने सक्ने उनको भनाई थियो ।
करदातालाई सेवा दिइने कार्यमा उल्लेख्य प्रगति भएको उनले प्रतिवेदन देखाए । जस्मा ब्यतिmगत आयकरमा दर्ता २ हजार ८ सय भएकोमा ४ हजार ७ सय १ भएको छ । नयाँ अन्तशुल्क प्रमाणपत्र जारी तथा नविकरणमा १ हजार १ सय २० लक्ष्य रहेकोमा १ हजार ६ सय ३० भएको छ । स्थाई लेखा नं. दर्ता १ हजार ४ सय लक्ष्य भएकोमा ३ हजार २३ भएको छ । बायोमेट्रिक रजिष्ट्रेसन भ्याटको लक्ष्य ५ सय २५ भएकोमा ७ सय ५४ भएको छ । बायोमेट्रिक रजिष्ट्रसन आईटी सुन्य लक्ष्य भए पनि ५ सय ५८ भएको छ । अनुगमनबाट हुने सजाय रकम २५ हजार भएकोमा ३० हजार उठेको छ । तर बजार अनुगमन ५१ लक्ष्य भएकोमा ३९ मात्र भएको देखिएको छ । त्यसैगरि करदाता शिक्षा पनि ८ वटा लक्ष्य भएकोमा ७ वटा सम्पन्न भएको थियो ।
कर अधिकृत भट्टराईका अनुसार कार्यालयको खर्च तर्फ चालु खर्चमा ७६ लाख २८ हजार ४० रहेको त्यसमा ४३ लाख १७ हजार ३ सय ३१ खर्च भएको र ३३ लाख १० हजार ७ सय ९ बाकी रहेको थियो । त्यसैगरि पुजिँगत तर्फ ९ लाख ४५ हजार बजेट भएकोमा ९ लाख ४३ हजार १९ रुपिया अर्च भएको र १ हजार ९ सय ८१ बाकी रहेको थियो । कार्यालयमा हाल करअधिकृत १,नाुयब सुब्बा २ ,डाटाइन्ट्रि सुपरवाईजर÷कम्प्युटर अपरेटर १,हलुका सवारी चालक १ र कार्यालय सहयोगी गरि कुल ६ जनाको दरबन्दी भएकोमा एक जना नायबसुब्बाको दरबन्दी अझै रितm रहेको करअधिकृत भट्टराईले जानकारी गराएका थिए ।
परासीमा लामो समय देखी राजश्व कार्यालयको माग हुदै आएकोमा दुई बर्ष पहिला मात्र कर दाता सेवा खोल्ने निर्णय भएको थियो । कार्यालयका लागि तत्कालिन जिसस प्रमुखले भवन नदिने जनाए पछि लुम्बिनी प्रदेश साँसद बैजनाथ जैसवाल सहितको स्थानिय सरोकारवालाले तत्कालिन महिला बालबालिकाका कार्यालयको भवनमा तालाबन्दी समेत गरेका थिए । अहिले त्यही कार्यालयमा करदाता सेवाले आफ्नो सेवा दिदै आएको छ । त्यसमा पनि गत आर्थिक बर्ष देखी पुरै समय राजश्व संकलन गर्ने कार्य भएको थियो । कर बुझाउन करदाताहरुलाई राष्ट्रिय बाणिज्य बैंक परासी शाखा कार्यालय देखी टाढा भएकोले अहिे कर मात्रै बुझ्ने गरि कार्यालय भित्रै बैंकको काउण्टर समेत खोलिएको हुदा करदातालाई कर बुझाउन सजिलो भएको उनको भनाई थियो ।