सांसद यादवद्धारा भवन शिलन्यास

उर्मिला यादव
भैरहवा । गोपाल सेवा समिती रुपन्देहीको भवन एक कार्यक्रमका बिच शिलन्यास गरीएको छ । गोपाल सेवा समिती रुपन्देहीको आयोजनामा मायादेवी गाउपालिका वडा नम्बर ६ गुरवनियामा रुपन्देही क्षेत्र नम्बर ४ का संघिय सांसद प्रमोद कुमार यादवले एक कार्यक्रमका बिच भवनको शिलान्यास गर्नु भएको हो ।
गोपाल सेवा समिती सियारी रुपन्देहीले श्रीकृष्ण जन्माष्टमीको अवसरमा यहि भदौ ३ गते गरेको रक्तदान, सम्मान तथा बिरहा मुकाबला कार्यक्रममा सांसद यादवले समितीको भवन निमार्णका लागी एक कठठा जग्गा दान दिने घोषणा गर्नु भएको थियो । जसको मुल्य एक करोड बराबरको रहेको छ । आफनो बचनबद्धतालाई पुरा गर्दै सांसद यादवले गोपाल सेवा समिती रुपन्देहीको भवन सोहि जग्गामा शिलन्यास गर्नु भएको हो ।
भवनको शिलन्यास गर्दै सांसद यादवले गोपाल सेवा समिती रुपन्देहीको भवन धेरै बर्षदेखि जग्गा उपलब्ध हुन नसकेकोले भवन बन्नमा ढिलाई भएको बताउदै अबको एक बर्षभित्रमा नै यो भवन बन्नुपर्ने बताउनु भएको छ । कार्यक्रममा बोल्दै सांसद यादवले हामीले सबै समुदायलाई जोडेर, एक साथ अघि बढनुपर्नेमा जोड समेत दिनु भएको छ ।
उहाले यादव समाज एकताका साथ अगाडी बढन जरुरी रहेको बताउदै यस्तो हुन सकेमा हाम्रो समाज, घरपरीवार, गाउ हुदै देशको समेत बिकास हुने बताउनु भएको छ । सांसद यादवले जिल्लाका सम्पुर्ण यादवहरु मिलेर आ आफनो तर्फबाट आफुले सकेको जति गोपाल सेवा समितीलाई योगदान गर्न समेत आग्रह गर्नु भएको छ ।

यस्तै गरी कार्यक्रममा बोल्दै गोपाल सेवा समिती रुपन्देहीका अध्यक्ष भरथरी यादवले गोपाल सेवा समितीको भवन शिलन्यास हुनु गर्वको बिषय भएको बताउनु भएको छ । बिगत लामो समय देखि समितीको भवन नहुदा गोपाल सेवा समिती रुपन्देहीले धेरै समस्याको सामना गर्नु परेकोले अब यो समस्या समाधान भएकोले यादव समुदायमा खुसियाली छाएको बताउनु भएको थियो ।
यस्तै गरी भवन शिलन्यास कार्यक्रममा बोल्दै मायादेवी गाउपालिका वडा नम्बर २ का वडाध्यक्ष अग्नु प्रसाद यादवले विबिधताले भरीएको हाम्रो समाजमा एकता हुन आवश्यक रहेको बताउनु भएको छ । उहाले गोपाल वंशमा यादवहरुको जन्म हुनु गर्वको कुरा भएकोले हामी मिलेर अगाडी बढनुपर्नेमा जोड दिनु भएको थियो ।
बि स २०४८ सालमा डाक्टर रोहीणी प्रसाद यादवको अध्यक्षतामा गोपाल सेवा समिती रुपन्देहीको स्थापना भएको थियो । बिभिन्न आरोह अवरोह पार गर्दै यहा सम्म आइपुगेको यो समिती यदुवंश समाजको लागी गौरवको बिषय भएको सहभागीहरुले बताएका छन ।
समितीका अध्यक्ष तथा केन्द्रिय उपाध्यक्ष भरथरी यादवको अध्यक्षता तथा समितीका केन्द्रिय सदस्य तथा बरिष्ठ उपाध्यक्ष मातृका प्रसाद यादवको स्वागत मन्तब्य रहेको कार्यक्रममा मायादेवी गाउपालिका अध्यक्ष धुर्व नारायण चौधरी , सियारी गाउपालिका अध्यक्ष थानेश्वर घिमिरे, मर्चवारी गाउपालिका अध्यक्ष गयाप्रसाद बरइ, रोहीणी गाउपालिका भुतपुर्व गाबिस अध्यक्ष सनोज कुमार यादव, गोपाल सेवा समितीका पुर्व अध्यक्ष महेन्द्र यादव, समितीका संस्थापक सचिव सुग्रीव प्रसाद यादव लगायत बिभिन्न गाउपालिका अध्यक्ष, वडाध्यक्ष, समितीका पदाधिकारी, सल्लाहकार, सरोकारवाला लगायत स्थानियको उल्लेख्य सहभागिता रहेको थियो ।
कार्यक्रममा सुपरस्टार बिरहा गायक हरकेश यादव र सुनिता यादवले बिरहा गीत मार्फत आ आफनो कला प्रस्तुत गर्नु भएको थियो ।