नेकपा माओवादी केन्द्र र नेपाल समाजवादी पार्टीले उम्मेदवार टुंग्याए

काभ्रे । आसन्न मंसिर ४ को निर्वाचनलाई दृष्टिगत गरी नेकपा माओवादी केन्द्र र नेपाल समाजवादी पार्टी काभ्रे जिल्ला समितिले आ–आफ्नो तर्फबाट उम्मेदवार सिफारिस गरेका छन् ।
नेकपा माओवादी केन्द्र काभ्रेले आगामी मंसिर ४ गते हुने संघ र प्रदेश सभा निर्वाचनका लागि प्रत्यक्ष र समानुपातिक तर्फको लागि जिल्ला समन्वय समिति निम्न उम्मेदवार सिफारिस गरेको छ । प्रतिनिधि सभा १ तर्फ सूर्यमान दोङ, रत्न प्रसाद ढकाल, दिननाथ गौतम र गंगा बहादुर दोङ सिफारिस भएका छन् भने प्रतिनिधि सभा समानुपातिकतर्फ कमला दोङ, मिना पाख्रिन र गुण राज गौतम । साथै बैठकले प्रतिनिधि सभा १ (प्रदेश सभा क) प्रत्यक्षतर्फ टासी लामा, बिष्णु प्रसाद गौतम (अडिग), बिजय मुक्तान, दुर्गा सि लामा र अभिलाश तामाङ सिफारिस भएका छन् ।
प्रतिनिधि सभा १ (प्रदेश सभा क) समानुपातिकतर्फ टासी लामा, गिता रसाइली, चलाख सि दोङ, लिला ब श्रेष्ठ, सुजन लामा र कल्पना मोक्तान, प्रतिनिधि सभा १ (प्रदेश सभा ख) प्रत्यक्षतर्फ दैब लाल घिसिङ (अनुसिल), होम ब खुलाल, हरि प्रसाद तिमल्सेना, खड्का बहादुर जिम्बा, प्रतिनिधि सभा १ (प्रदेश सभा ख) समानुपातिकतर्फ बिष्णु बहादुर मिजार, सरस्वती लामा, सुन्तली थिङ, प्रतिनिधि सभा २ प्रत्यक्षतर्फ डा. भरत प्रसाद लामिछाने, प्रतिनिधि सभा समानुपातिकतर्फ मिना तामाङ, तेज बहादुर मिजार, दिल सुन्दर श्रेष्ठ, प्रतिनिधि सभा २ (प्रदेश सभा क) प्रत्यक्षतर्फ रुकु चौलागाईं, आइत सि तामाङ, पृथ्वी थापा, प्रतिनिधि सभा २ (प्रदेश सभा क) समानुपातिकतर्फ रुकु चौलागाईं, सरिता तामाङ शाही, कान्छा राज गिरि, प्रतिनिधि सभा २ (प्रदेश सभा ख) प्रत्यक्षतर्फ मर्दन सि तामाङ, गोपाल घिमिरे, रमेश तिमल्सिना, प्रतिनिधि सभा २ (प्रदेश सभा ख) समानुपातिकतर्फ भोला प्रसाद अर्याल, उपेन्द्र श्रेष्ठ र हस्त बहादुर तामाङ सिफारिस भएका छन् ।
त्यसैगरी नेपाल समाजवादी पार्टीको काभ्रे जिल्ला समितिले आसन्न मंसिर ४ को निर्वाचनलाई लक्षित गरी देहाय बमोजिमको जिम्मेवारी तोक्नुका साथै संघ र प्रदेशका लागि उम्मेदवारहरु छनौट गरेको छ ।
बैठकले प्रतिनिधि सभा क्षेत्र नं. १ मा पूर्व सांसद अकल बहादुर थिङ, प्रदेश सभा क अन्तर्गत राजीव लामा र रामहरी खनाल, प्रतिनिधि सभा क्षेत्र नं. २ मा इन्द्र बहादुर गोले, प्रदेश सभा क अन्तर्गत दावा लामा र प्रदिप कुमार प्रजापति प्रत्यक्षतर्फ सिफारिस गरेको छ ।
त्यसैगरी समानुपातिकतर्फ होमकुमार दोङ, सवर कुमार प्रजापति, प्रदेश सभातर्फ अनिता थिङ, सुन्दरी तामाङ, कुमारी तामाङ र प्रिष्टा प्रजापति सिफारिस भएका छन् । त्यस्तै आसन्न निर्वाचन र संगठनलाई चुस्त दुरुस्त बनाउनुको साथै जनताका समस्यासँग एकाकार हुनका लागि नेतृत्वलाई जिम्मेवारी समेत दिइएको छ । जसअनुसार किसान विभागको जिम्मेवारी राम गोपाल मानन्धर, विद्यार्थी फाँटको जिम्मेवारी सुनिशा लामा, तामाङ मोर्चातर्फ विकेश तामाङ, सहकारीतर्फ राजन सापकोटा, स्वास्थ्यतर्फ त्रिरत्न मानन्धर, नेवार मोर्चातर्फ पवन कर्णजीत, युवातर्फ सिंमान, शिक्षकतर्फ महेन्द्र विष्ट, मजदुरतर्फ प्रदीप जिसी, गैससतर्फ सुवास केसी, महिलातर्फ सुन्दरी तामाङ, उद्योग, व्यापारतर्फ सञ्जीव विक्रम थापा र सूचना तथा सञ्चारतर्फ श्याम प्रसाद सेवाचार्य सिफारिस भएका छन् ।
साथै बैठकले जिल्ला अध्यक्षको नेतृत्वमा १ सय ९९ जना निर्वाचन परिचालन कमिटी गठन गरेको समेत जानकारी गराएको छ ।