म एक्लै आएको छैन, ८० जना सक्रिय कार्यकर्ता सहित आएको छु ः सिंतान

नेकपा एमालेको तर्फबाट निर्वाचित भई ७ वर्षसम्म वडा अध्यक्षको जिम्मेवारी बहन गरेर भर्खरै स्थानीय निर्वाचनपछि जिम्मेवार विहिन हुनुपुग्नु भएका ठगरबहादुर सिंतानले नेकपा माओवादी केन्द्र नै रोज्नुको कारण खुलासा गर्नुहुँदै तमाम शोषित, पिडित, न्यायप्रेमी कम्युनिष्ट कार्यकर्ताहरु अब एमालेमा रहन नसक्ने ठहर गर्दै आफू नेकपा माओवादी केन्द्र प्रवेश गरेको सम्बोधनका क्रममा बताउनुभएको छ ।
उहाँले आफू एक्लै माओवादी केन्द्र प्रवेश गरेका नभई आफूसँग हिजो एमालेलाई विजय गराउन महत्वपूर्ण भूमिका खेल्ने ८० जना सक्रिय पार्टी सदस्य सहित आएको स्मरण गराउनुभएको छ । बाँकी सच्चा एमाले कार्यकर्ताहरुलाई पार्टी परित्याग गरी अवसरवादका विरुद्ध विद्रोह गर्दै माओवादी प्रवेश गरी रक्तरञ्जित झण्डा उठाउन आग्रह समेत गर्नुभएको छ ।
उक्त कार्यक्रममा सिन्ताङ्गको टोली बाहेक १ सय ५० जना भन्दा बढी एमाले कार्यकर्ताहरु माओवादी प्रवेश गरेका छन् । उहाँहरुलाई पार्टी नेतृत्वद्वारा खादा तथा टिका लगाएर स्वागत गरिएको छ । प्रवेश हुनेहरु माधवराज दाहाल, निराज खुलाल, निर्मला कार्की दाहाल, टेक प्रसाद घिमिरे, हरि प्रसाद फुयाल, नारायण प्रसाद घिमिरे, दिनेश थापा, नादुका खुलाल, सुमन हुमागईं, दिपेश सिंतान, सम्झना सिंतान, परेली तामाङ्ग, अस्मिता तामाङ्ग, काव्य तामाङ्ग, राघिका खड्का, ज्ञानबहादुर खुलाल, विष्णु खुलाल, पिताम्बर रिजाल, विष्णुप्रसाद तिमल्सिना, दिपक राउत, विकास दाहाल, विशाल खड्का, तारानाथ दाहाल, कृष्णप्रसाद दाहाल, सम्झना मगराती, बुद्ध लामा, सुमो भुलुन, सूर्यमाया भुलुन, सितामाया वजु, विष्णु माया सिंतान, विपना तामाङ्ग, हिराकाजी घिसिङ्ग, कान्छामान घिसिङ्ग, सुमन प्रसाई, राजु सखौती, सबल तामाङ्ग, विकास खुलाल, इन्द्र बहादुर तामाङ्ग, विकास तामाङ्ग, नविन तामाङ्ग, अनिश परियार, भुनव मंगराती, रुपेश परियार, अर्जुन तामाङ्ग, मनोज लामा लगायत १ सय ५० जनालाई स्वागत गरिएको छ भने पूर्व माओवादीमै रहेर समाजवादीमा क्रियाशील केही साथीहरुको चाहना अनुसार पुनः मिलन गराइएको छ । जसमा प्रदीप थापा, उज्जवल केसी र भवानी श्रेष्ठ रहनुभएको छ ।