घात प्रतिघातलाई परास्त गर्दै बिजय भए तिर्थ !

काभ्रे । अहिलेसम्मको मत परिणामले गठबन्धन तर्फका चारै जना प्रदेशका उम्मेदवार विजयी हुनुभएको छ ।

जसमा प्रतिनिधि सभा १ (क) मा रत्न प्रसाद ढकालले २० हजार ७ सय २० मत प्राप्त गरी विजयी हुनुभएको छ भने प्रतिनिधि सभा १ (ख) मा तिर्थ बहादुर लामाले १९ हजार २ सय ८० मत प्राप्त गरी विजयी हुनुभएको छ ।

तिर्थ लामा यस अघि २०७४ मा भएको निर्वाचनमा एमाले माओवादिको बाम गठबन्धनबाट उम्मेदवार भएको बेला यहि क्षेत्रमा माओवादीका उम्मेदवारसँग झिनो मतले पराजित  भएका थिए ।

यो पटक आफ्नै पाटिको अन्तरघातका बिचबाट  बाजि मार्न सफल भएका छन लामा ! बिजय पश्चात् सम्बोधन गर्ने क्रममा लामाले कम्युनिस्ट कार्यकर्ता एवं मतदातालाई खुलेर बधाई दिएका छन् भने काग्रेसको सवालमा  जिल्ला समितिको बैठक पछि जवाफ दिने बताउनु भएको छ । २०७० को संविधानसभा सदस्यमा निर्वाचित भएका कांग्रेस नेता लामले फेरि एकपटक तिर्थ के हो पुष्टि गरेका छन ।

त्यस्तै प्रतिनिधि सभा २ (क) मा लक्ष्मण लम्सालले १९ हजार ४ सय ८ मत प्राप्त गरी विजयी हुनुभएको छ भने प्रतिनिधि सभा २ (ख) मा कञ्चनचन्द्र बादे श्रेष्ठले २६ हजार ३५ मतले विजयी हुनुभएको छ ।