मोहन दुवाल सम्मानित हुने

काभ्रे । प्रा.डा. वासुदेव त्रिपाठीको सभापतित्वमा हालै बसेको बैठकले नेपाली साहित्यको श्रीवृद्धिका लागि योगदान पु¥याउने उद्देश्यले सक्रिय रहेका दुईजना स्रष्टा र दुईजना साहित्यिक पत्रकारहरुलाई सम्मान गर्ने गरी एक लाख एक हजार नगद राशीको क्रमशः मदन–शीला स्रष्टा सम्मान, २०७६ ले वरिष्ठ कवि तथा गीतकार दुर्गालाल श्रेष्ठलाई र २०७७ सालको मदन–शीला स्रष्टा सम्मान वरिष्ठ आख्यानशील्पी गिताकेशरीलाई दिने निर्णय गरिएको छ ।
यसैगरी मदन–शीला साहित्यिक पत्रकारिता सम्मान, २०७६ ले जनमत मासिकका सम्पादक मोहन दुवाललाई नियमित रुपमा पत्रिका प्रकाशन गरी नेपाली वाङ्मयको श्रीवृद्धिमा उल्लेखनीय योगदान पु¥याए वापत र २०७७ सालको लागि मदन–शीला साहित्यिक पत्रकारिता सम्मान दायित्व द्वैमासिकका सम्पादक रामप्रसाद पन्तलाई प्रदान गर्ने निर्णय भएको प्रतिष्ठानले जनाइएको छ ।