पुत्रशोकमा न्यौपाने

काभ्रे । हिन्दू संस्कार परम्परा अन्तर्गत कुनै पनि अभिभावकलाई पुत्रशोक पर्नु जति बज्रपात अरु केही हुँदैन भनी शास्त्रमा उल्लेख गरिएको छ । बिडम्बना ! त्यस्तै घटनाका सिकार बन्न पुगेका छन्, नेकपा एमाले काभ्रे जिल्ला कमिटी सदस्य एवं सामाजिक अभियान्ता शिव प्रसाद न्यौपाने ।
गत मंगलबार बिहान उनीमाथि बज्र प्रहार भयो । विपरित दिशाबाट आएको प्रदेश नं.२. ००१च०४११ को योद्धा बोलेरो गाडीले ओभरटेक गर्ने क्रममा आफ्नै दिशामा हिँडिरहेका छोरा आयूषमाथि ठक्कर दिएर घटनास्थलमै मारिदियो । जसका कारण अभिभावक न्यौपाने मात्र होइन, उनलाई चिन्ने जो कोहि मानवजन अहिले शोकमा डुबेको छ । जसका कारण परिवारजन र समाज भावविव्हल अवस्थामा तड्पिरहेको छ ।
घटनापश्चात् अस्पताल पु¥याइएका आयूषलाई अस्पतालले मृत घोषित गरेको थियो । मृत्यु पश्चात् गरिने उनको पार्थिव शरीरमाथि अन्तिम श्रद्धाञ्जली दिन संघीय सांसद गोकुल बाँस्कोटा, रुकमणी राना, अशोक ब्याञ्जू, चन्द्र लामा, राजन भुर्तेल, कुमार खकुरेल, राजकुमार सापकोटा, कुमार लामिछाने, सुन्दरमणि आचार्य, रिता ढकाल लगायत हजारौं शुभचिन्तक आर्यघाट पुग्नुभएको थियो ।
१९ वर्षीय आयूष न्यौपानेको देहान्तले ट्राफिक व्यवस्थापनलाई मात्र नभई सो सँग सम्बन्धित सिंगो सरोकारवाला निकायलाई सोच्न बाध्य बनाएको छ । यसले चालक, सहचालक र ट्राफिक व्यवस्थापनमाथि समेत प्रश्न चिन्ह खडा गरेको बौद्धिक क्षेत्रमा अहिले चर्चाको विषय बनेको छ । यस किसिमको दुर्घटना पहिलो भने पक्कै होइन तर पनि सम्बन्धित पक्षहरुमा चेतनाको बिर्काे कहिले उघ्रिन्छ भन्ने आम नागरिकमा चासोले घर गरिरहेको छ । अबका दिनमा यस किसिमका घटना सुन्नु नपरोस् भन्ने अपेक्षामा सिंगो समाज लालायित छ ।
मृतक आयूष न्यौपानेप्रति भावपूर्ण श्रद्धाञ्जली व्यक्त गर्दै परिवारजनमा गहिरो समवेदना अर्पण गर्दछौं ।