पनौती नगरको नगर सभा सम्पन्न, नगरको बिकासको लागि सभासद्हरूको चासो

काभ्रे । पनौती नगरको बाह्रौं नगरसभा सम्पन्न भएको छ । सभामा उपस्थित नगर सभासद्हरूले नगरको समग्र विकास निर्माणको विषयमा चासोका साथ आ—आफ्नो तर्क प्रस्तुत गर्दै पृथक ढंगबाट सौहार्द तरिकाले घनिभूत तरिकाले छलफल गर्दै निचोड निकालेको छ ।
काभ्रे जिल्लाको छुट्टै पहिचान बोकेको पूरातात्विक एवं ऐतिहासिक धरोहरको रुपमा परिचित पनौती नगरपालिकाको नगर सभाले नगरको हितको लागि निचोड निकालेको छ । नगर सभा सदस्यहरूले सभामा प्रस्तुत गरेको प्रतिवेदनको विषयमा आ—आफ्नो तर्कहरू प्रस्तुत गरिएको थियो ।
झट्ट हेर्दा विरोध जस्तो देखिएपनि वास्तवमा विरोध नभई सुझाव रहेको थियो । सभामा सदस्यहरूलाई तर्क राख्नको लागि पर्यात समय प्रदान गर्नुले अन्य स्थानीय तहलाई समेट पाठको रुपमा प्रस्टिएको छ । नगरको हितको लागि सम्पूर्ण जनप्रतिनिधिहरू एक जुट भएको पाइएको छ । दल विशेष समर्थन वा असहयोग भन्ने रहेन, सभामा नेपाली काँग्रेस तफर्बाट निर्वाचित वडा अध्यक्षले र एमालेका तफ र्बाट निर्वाचित वडा सदस्य (सभासद) हरूले प्रतिवेदनको विषयमा धारणा राख्दै थप घटको लागि सुझाव दिनुभएको थियो । सुझावलाई मनन गर्दै छलफल गरी निचोड निकाल्दै सभा सम्पन्न गरेको थियो । नगर सभामा प्रस्ताव भएका प्रतिवेदनहरू पारित गर्न तालीको लागि मात्रै नगर सभा भन्ने शंदेस लाई पनौतीले राम्रोसँग पन्छाएको छ । हुन त धेरै स्थानीय तहमा सभासद्हरूले खासै आफ्नो अडान कायम गरेको पाइन्न । तर पनौती नगरमा भने नगर सभामा निकै बहसका साथ व्यापक छलफल पछि सभा सम्पन्न हुने विगत देखीकै परिपाटी रहँदै छ जसको कारण अनावश्यक सीर्षकका बजेट विनियोजन हुँदैन ।
कयौं स्थानीय तहमा सभा हुँदै गर्दा प्रमुखले निर्दिष्ट गरेको व्यक्ति भन्दा अरुले खासै आफ्नो धारणा राखेको पाइन्न पाइन्छ त केवल ताली बजाएर प्रस्तुत प्रतिवेदनहरू पास गर्ने मात्रै । आखिर सभामा उपस्थित सदस्यहरू पनि निर्वाचित जनप्रतिनिध नै हुन तर उनीहरूको मौनता र खुम्चाइ प्रति जनताको चासो निकै रहँदै आएको छ ।
धेरै स्थानीय तहको सभालाई नियाल्दै आधिकांश जनताहरूको भन्ने गरेका छन् —हामिले दिएको भोट खेर गयो, कस्तालाई दिइएछ । तर पनौती नगरवासीको भनाई फरक छ, हामीले सक्षम व्यक्तिलाई मत दिएका छौं, जसले नगरको हितको खातिर कार्य गर्छन्, कुनै दलगत स्वार्थमा लाग्दैनन् । चुनावको समयमा कुनै दलको ट्यागमा निर्वाचित भएपनि अव भनेको सिंगो नगरवासीको प्रतिनिधि हो । नगरमा सभा हुँदै गर्दा नगरवासीले सामाजिक सञ्जाल माफर्त समेत धेरै दवाव दिएको पाईन्थ्यो, जसमा भनाईहरु थिए—नगर सभा बिथोल्न पाइन्न, नगरको हितको लागि बहस गर जस्ता ।
झट्ट हेर्दा नगर सभामा विवाद हो कि भन्ने देखिएपनि पनौती नगरले सम्पन्न गरेको बाह्रौं नगर सभा नीति र विधिमा अडिग, अन्य स्थानीय तहलाई समेत मार्ग निर्देशकको रुपमा रहेको थियो । दलगत स्वार्थ भन्दा माथि उठेर सभामा बहस चल्यो, प्रतिवेदनहरूको बारेमा मेयर आवद्ध दलको तफर्बाट निर्वाचित जनप्रतिनिधिहरू पनि खरै ढंगबाट उत्रिए । उनीहरूको तर्क थियो “कार्यपालिकाले निर्णय गरेको विषयहरू सबै अक्षरशः लागू हुनुपर्छ भन्ने हैन, नग सभा सदस्यहरूको भनाई पनि समेटिनु पर्छ” । त्यसैगरी उपमेयर आवद्ध दलको तफर्बाट निर्वाचित जनप्रतिनिधिहरू पनि रामैसँग कस्सिए । जुन दृश्यले नगरको हितको लागि अग्रसर देखिन्थे सदस्यहरू ।
नगर सभामा सदस्यहरूलाई आ—आफ्नो धारणा राख्ने समयको निर्धारण कार्य सूचीमै उल्लेख हुनुले निर्वाचित जनप्रतिनिधि समान हुन भन्ने सन्देश दिएको छ । सभामा बिभिन्न ११ प्रतिवेदनहरू वडा अध्यक्षहरूको तफर्बाट पेस भएको छ । जस मध्य पूर्व जानकारी विना शिक्षा ऐन संसोधन सम्बन्धी प्रस्ताव आएको भन्दै हलमा आपत्ति जनाईएको थियो । कार्यपालिकाको निर्णय प्रतिलिपिहरू वडा वडामा पठाउने परिपाटीले थप व्यवस्थित पारेको छ नगरलाई ।
सभामा उठेका विषयहरू माथि घनिभूत ढंगबाट सौहाद्र तरिकाले व्यापक छलफल गर्दै नगरको हितको लागि निर्णय भएको सन्देश नगर प्रमुख रामशरण भण्डारी र उपप्रमुख गीता बञ्जाराले आफ्नो मन्तव्यको क्रममा बताउनु भयो । नगरको सम्पन्न सभाले नगरवासीलाई मात्रै नभएर जिल्लावासीलाई नै पाठ सिकाउन सफल भएको छ ।
निर्णय गर्दा विचारलाई अँगाल्नु हुँदैन सभामा उपस्थित सदस्यहरू लाई उचित स्थान साथै आफ्नो धारणा राख्ने मौका प्रदान, कार्यपालिका मात्रै नभई सम्पूर्ण निर्वाचित जनप्रतिनिधिहरूको सुझावको आधारमा अगाडि बढ्नुपर्ने सन्देश दिएको छ ।