लायनहरु समाजका पथप्रदर्शक हुन्ः सेकेण्ड भाइस डिष्ट्रिक्ट गर्भनर पाण्डे

काभ्रे । लायन्स अन्तर्राष्ट्रिय डिष्ट्रिक्ट आइ नेपाल, लायन्स क्लब अफ काठमाडौं प्रोस्पेरिटीको प्रथम वार्षिक साधारण सभालाई सम्बोधन गर्दै निर्वाचित द्वितीय भाइस डिष्ट्रिक्ट गर्भनर लायन पार्वती खरेल पाण्डेले लायनहरु समाजका पथप्रदर्शक भएको बताउनुभएको छ ।
लायनिजको क्षेत्रमा प्रोस्पेरिटीले महत्वपूर्ण भूमिका खेलेको, उसले गरेका वार्षिक कार्यक्रमहरुले पुष्टि गरेको बताउनुहुँदै डिष्ट्रिक्ट गर्भनर लायन पाण्डे थप्नुहुन्छ– समाजमा आइपर्ने मानवीय सेवादेखि विपद्कालीन आवश्यकताहरुमा लायनहरुले आफ्नो उपस्थितिलाई दह्रो ढंगसँग प्रस्तुत गर्छन् भन्ने नमूना प्रोस्पेरिटीले देखाएको बताउनुभएको छ । जति पनि सामाजिक कार्यहरु हुने गर्छन्, त्यसको अपनत्व लिनुपर्ने डिष्ट्रिक्ट गर्भनर लायन पाण्डेको तर्क थियो । समाज रुपान्तरणमा यस क्लबले जुन भूमिका निर्वाह गरेको छ, त्यो अनुकरणीय छ । यसबाट अन्य क्लबहरुले पनि केही सिक्नुपर्ने महसुस आफूले गरेको सम्बोधनको क्रममा बताउनुभएको छ ।

साधारण सभाबाट निर्वाचित पदाधिकारीहरुलाई सफल कार्यकालको शुभकामना दिनुहुँदै डिष्ट्रिक्ट गर्भनर लायन पाण्डेले डिष्ट्रिक्ट आइ अन्तर्गत रहेका अन्य क्लबहरुभन्दा प्रोस्पेरिटी फरक पहिचान रहेको हुनाले सबैको आँखा यसप्रति पर्नु स्वभाविक हो । त्यसैले यस क्लबले आफूलाई आफ्नो पहिचान गुम्न दिने छैन, सधैं मार्ग प्रशस्त गरेर अगाडि जानेछ भन्ने विश्वास डिष्ट्रिक्टले लिएको डिष्ट्रिक्ट गर्भनर लायन पाण्डेले बताउनुभएको छ । कार्यक्रममा पढाउ अभियानका संयोजक लायन विष्णु भण्डारी, रिजन चियरपर्सन लायन प्रल्हाद शर्मा हुमागाईं लगायतले लायनले समाज रुपान्तरणमा छोडेको प्रभावका बारेमा चर्चा गर्नुभएको थियो । साधारण सभाले लायन रामशरण न्यौपानेको अध्यक्षतामा २० सदस्य लायन वर्ष २३/२४ का लागि नेतृत्व चयन गरेको छ ।