जलवायु परिवर्तन सम्बन्धी अभिमुखीकरण

काभ्रे । इन्द्रेश्वर क्याम्पस पनौतीको संयोजनमा विश्वविद्यालय अनुदान आयोगको सहयोगमा एकदिने जलवायु परिवर्तन अनुकूलता र न्युनिकरण सम्बन्धी अभिमुखीकरण सम्पन्न भएको छ ।
पछिल्लो समय जलवायु परिवर्तनमा देखिएको उतारचढावलाई लिएर विभिन्न संघसंस्था, सरकारी निकाय समेत चिन्तित भइरहेको अवस्थामा विश्वविद्यालय अनुदान आयोगले काभ्रे जिल्लाका ३ वटा आंशिक क्याम्पस र ७ वटा विद्यालयमा अध्ययनरत छात्रछात्रा, शिक्षक, प्राध्यापकहरुलाई एउटै मञ्चमा राखी सुसूचित गराएको छ ।
सो कार्यमा प्रशिक्षकद्वय मनिषा घिमिरे र तेजेन्द्र रेग्मीले जलवायु परिवर्तनबाट उत्पन्न हुने चुनौती, समाधानका बारेमा सहभागीहरुलाई सुसूचित गराउनुभएको छ । कार्यक्रममा इन्द्रेश्वर क्याम्पस प्राध्यापक श्रीकुमार सुवाल, क्याम्पस व्यवस्थापन समिति अध्यक्ष तुयुकाजी ताम्राकार लगायतले वातावरण परिवर्तनका कारण जलवायु परिवर्तनमा आएको समस्याले सिंगो भूगोल प्रभावित भएको बताउनुभएको छ । स्रोत ः धार्मिक पत्रकार विकुनारायण ताम्राकार ।