रोडरेसमा कृतिमान कायम राख्न सफल विश्वराम र कृतिका

काभ्रे । ज्ञानकुञ्ज शैक्षिक प्रतिष्ठानको तेस्रो रोडरेसमा गणेश मावि भक्तपुरका छात्र विश्वराम कुँवर र छात्रा कृतिका मधिकर्मीले कृतिमानी विजय हासिल गरेका छन् ।
असार २ गते भएको रोडरेसमा छात्रतर्फ विश्वराम र छात्रतर्फ कृतिकाले सर्वाधिक राशीको पुरस्कार हात पारेका छन् ।
त्यसैगरी द्वितीय स्थानमा भालेश्वर मा.वि. पनौती– ८ मल्पीका छात्रा कुशुम के. सी. र छात्र कृष्ण शाह द्वितीय भएका छन् भने तृतीय स्थानमा छात्रा कृतिका उप्रेती र छात्र रितिक श्रेष्ठ भएका छन् । प्रतियोगितामा प्रथमलाई ३० हजार, दोस्रो २० हजार र तेस्रोलाई १० हजार नगद सहित मेडल र प्रमाणपत्र एक समारोहका बीच कार्यक्रमका सभापति ज्ञानकुञ्ज शैक्षिक प्रतिष्ठानका प्रबन्ध निर्देशक प्रताप वैद्यले प्रदान गर्नुभएको छ ।
एसईई दिएर बसेका करिब १ सय ५० जना विद्यार्थीले उक्त प्रतियोगितामा भागलिएका थिए भने भक्तपुरका ८, सिन्धुपाल्चोकका १ र बाँकी सबै काभ्रेपलाञ्चोक जिल्लाका बिद्यार्थीहरूको सहभागिता रहेको थियो ।
कार्यक्रमलाई दुई चरणमा गरी सम्पन्न गरिएको थियो । पहिलो चरणको कार्यक्रम प्रदेश सभा सदस्य कन्चन चन्द्र वादेद्धारा रिबन काटेर छात्राहरुको रोडरेस बनेपा तिनदोबाटोबाट सुरु गर्नुभएको थियो भने दोस्रो चरणको कार्यक्रमअन्तर्गत छात्रहरुको रोडरेस शुभारम्भ पनौती नगरपालिका प्रमुख रामशरण भण्डारीले पनौती बसपार्कबाट शुभारम्भ गर्नुभएको थियो ।
साथै विजेता विद्यार्थीहरुलाई ज्ञानकुञ्ज शैक्षिक प्रतिष्ठान सञ्चालक समितिका अध्यक्ष एवं नेपाल उद्योग वाणिज्य महासंघका केन्द्रीय उपाध्यक्ष सुरकृष्ण वैद्यको प्रमुख आतिथ्यतामा समापन कार्यक्रममा राष्ट्रिय महिला खेलाडी सावित्रा भण्डारी, विद्यालय संचालक आत्माराम थापा, काभ्रे प्यावसनका अध्यक्ष श्याम भुजेल, प्रहरी नायव उपरिक्षक रेशम बोहोरा, पत्रकार महासंघका पुर्व अध्यक्ष महेश पौडेल लगायतले मन्तव्य राख्नु भएको थियो । पुरस्कार वितरण कार्यक्रमलाई सहायक क्याम्पस प्रमुख नवराज चौलागाईले धन्यवाद ज्ञापन गर्नुभएको छ ।