सेवाका हातहरु असहायहरुका लागिपर्नुपर्छ ः गभर्नर लायन केसी

काभ्रे । जिम्मेवारी बहन गरेको दोस्रो दिन नै आफू मातहतका सदस्यहरुको स्तरवृद्धिका लागि काभ्रे आइपुग्नुभएका लायन्स क्लब इन्टरनेशनल एमडि ३२५ आई नेपालका डिष्ट्रिक्ट गभर्नर चन्द्र कुमार केसीले रिजन १८ जोन ३७ अन्तर्गत रहेका लायन र गैर लायनहरुलाई एकदिने अभिमुखीकरणमा सहभागी गराउनुभएको छ ।
उक्त कार्यक्रममा गभर्नर लायन केसीले क्लव मिटिङ सञ्चालन गर्ने तरिका, रिपोर्टिङ गर्ने तरिका, क्लब अध्यक्षको काम, कर्तव्य र अधिकार, सचिवले गर्नुपर्ने काम, कर्तव्य र अधिकार, कोषाध्यक्षले गर्ने काम, कर्तव्य र अधिकारका बारेमा जानकारी गराउँदै डिष्ट्रिक गभर्नर लायन केसीले लायन्सको अभियान विश्वव्यापी रहेको भन्दै सेवाका हातहरु असहायहरुका लागि लाग्नुपर्नेमा जोड दिनुभएको छ । साथै गभर्नर लायन केसीले जिवन जगतका बारेमा मोटिभेशनल क्लास लिनुभएको छ ।
कार्यक्रममा डिष्ट्रिक्ट ३२५ आई नेपालका क्याविनेट सेक्रेटरी महेश पाण्डेले सेवाका लागि लायन्सको स्थापना भएको भन्दै डिष्ट्रिक्ट गभर्नरको यस बर्षको मुख्य कार्यक्रम नेतृत्वका लागि उत्प्रेरणा गरी सेवाको विशेष कार्यक्रम सञ्चालन गर्न मातहतका क्लवहरुलाई आग्रह समेत गर्नुभएको छ ।
त्यस्तै डिष्ट्रिक्ट ३२५ आई नेपालका चिफ एडभाईजर सूर्य कुमार केसीले डिष्ट्रिक्टले यस बर्ष तय गरेका मुख्य कार्यक्रमका बारे प्रकाश पार्नुभएको छ भने धुलिखेल नगरपालिकाका उपप्रमुख निराजन जंगमले लायन्सले समाज परिवर्तनमा खेलेको भूमिकाप्रति गर्व महशुस गर्दै सहकार्य गरेर अघि बढ्न इच्छुक रहेको प्रतिक्रिया व्यक्त गर्नुभएको छ ।
अभिमुखीकरण कार्यक्रममा रिजन १८ जोन ३७ का क्लब अन्तर्गत रहेका विभिन्न क्लवहरुका अध्यक्ष, पदाधिकारी एवं क्लब सदस्यहरूको सहभागिताका साथै धुलिखेल नगरपालिकाका उपप्रमुख निराजन जंगम, पत्रकार ईश्वरी ओझा, ईश्वरी राजकुमार मैनाली, डिष्ट्रिक्ट को–अर्डिनेटर लायन पवन थापा लगायतले लायनको बारेमा आ–आफ्नो धारणा राख्नुभयो ।
रिजन चियस पर्सन लायन प्रल्हाद शर्मा हुमागाईंको संयोजनमा भएको अभिमुखीकरण कार्यक्रममा डिष्ट्रिक्ट को–अर्डिनेटर भोला थापा, लायन्स क्लब अफ काठमाडौं माँ चण्डेश्वरीका अध्यक्ष लायन पुण्यवति घले, लायन्स क्लब अफ काठमाडौं पूर्वक्षितिज काभ्रेका सचिव लायन बिपशना शाक्य, समिता मगरले धारणा राख्नुभएको थियो । कार्यक्रममा लायन्स क्लब अफ काठमाडौं माँ चण्डेश्वरी, लायन्स क्लब अफ काठमाडौं टेम्पल पिस, लायन्स क्लब अफ काठमाडौं इन्द्रेश्वर, लायन्स क्लब अफ काठमाडौं बेथानचोकका क्लब र लायन्स क्लब अफ काठमाडौं पूर्वक्षितिज काभ्रे पदाधिकारीहरूको सहभागिता रहेको कार्यक्रममा लायन र गैर लायन गरी झण्डै ५ दर्जन महानुभावहरुको सहभागिता रहेको थियो ।
लायन्स ईन्टरनेशनल डिष्ट्रिक्ट ३२५ आई नेपाल अन्तर्गत रिजन १८ जोन ३७ का क्लब पदाधिकारीहरुका लागि अभिमुखीकरण कार्यक्रम सम्पन्न गरिएको छ ।
डिष्ट्रिक्ट ३२५ आई नेपालका एडिशनल डिष्ट्रिक्ट मिडिया को–अर्डिनेटर भोला थापाको अध्यक्षतामा सम्पन्न भएको हो ।