अनेसास राष्ट्रकवि सर्वोत्कृष्ट काव्य पुरस्कार (डायस्पोरा) को पुरस्कार “मृतसागर उचाइबाट” लाई

काभ्रे । प्रत्येक दुई वर्षको अन्तरालमा हुने ‘अनेसास राष्ट्रकवि सर्वोत्कृष्ट काव्य पुरस्कार (डायस्पोरा)’ यस वर्ष पनि सम्पन्न भएको छ । उक्त अनेसास राष्ट्रकवि सर्वोत्कृष्ट काव्य पुरस्कार (डायस्पोरा) इजरायल निवासी सिन्धु पौडेलको “मृतसागरको उचाइबाट” ले प्राप्त गरेको छ ।
प्रवासलाई कर्मथलो बनाई कथा, कविता, मुक्तक, गीत लगायत साहित्यका विभिन्न विधामा कमल चलाउनुहुन पौडेलले साहित्यिक क्षेत्रमा आफ्नो छुट्टै छवि बनाउन सफल बन्नुभएको छ । राष्ट्रकवि माधवप्रसाद घिमिरेको सम्झनामा अनेसासअन्तर्गत स्थापना गरेको यो पुरस्कार १ हजार अमेरिकी डलर राशी सहित “मृतसागरको उचाइबाट” ले प्राप्त गर्न सफल भएको छ ।
विश्व नेपाली साहित्य महासंघ इजारयल शाखाको उपाध्यक्षका रूपमा कार्यरत हुनुका साथै साहित्यिक चौतारी इजरायलको सचिवमा समेत रहनुभएका पौडेल साहित्यपोस्टको इजरायल संयोजक पनि हुनुहुन्छ ।