सवारी दुर्घटनामा ११ जना घाइते

काभ्रे । काभ्रेपलाञ्चोक जिल्लाको बेथानचोक गाउँपालिका १ निगालेस्थित आज (आइतबार) तालढुङ्गाबाट बेथानचोक तर्फ आउँदै गरेको बोलेरो दुर्घटना भएको जिल्ला प्रहरी कार्यालय काभ्रेले जनाएको छ ।
बा १४ च ७०७७ नं. को डबल क्याप बोलेरोको ब्रेक फेल भई सडकमा पल्टँदा बोलेरोमा सवार १८ जना मध्ये ११ जना घाईतेहरुलाई उद्धारका गरी उपचारको लागि धुलिखेल अस्पताल पठाईएको जिल्ला प्रहरी कार्यालय काभ्रेले जनाएको छ ।
घाइते हुनेहरुमा स्याङजा जिल्ला पुतलीबजार ५ बस्ने बर्ष ३६ का सिर्जना नेपाली र उनका छोरा बर्ष १३ को सुबम श्रेष्ठ, अर्का छोरा बर्ष ५ को सुरज श्रेष्ठ, चौरीदेउराली गा.पा ७ बस्ने बर्ष ४० का पुर्व सांसद नविना लामा, खानिखोला गाउँपालिका ५ मिल्चे बस्ने बर्ष ४० का रचना मगर र उनका छोरी बर्ष १६ का ईन्जिला सोडारी, दोलखा जिल्ला कालिञ्चोक गाउँपालिका ३ बस्ने बर्ष ३२ का मिना श्रेष्ठ, सोही गाउँपालिकाका बर्ष ३५ को गोविन्द श्रेष्ठ, खानिखाला गाउँपालिका ६ बस्ने बर्ष ३५ को दिपेन्द्र राना दाहिने, पाँचखाल नगरपालिका १२ बस्ने बर्ष ३५ का भक्त कुमारी लामा र बेथानचोक गाउँपालिका १ बस्ने बर्ष ७४ को सिङताङ तामाङको धुलिखेल अस्पतालमा उपचार भइरहेको जिल्ला प्रहरी कार्यालय काभ्रेले जानकारी दिएको छ ।