पनौतीका जात्रापर्वहरूको दोस्रो संस्करण लोकार्पण

काभ्रे । साहित्यकार सूर्य लाकोजू नेपाली साहित्यका विविध विधाका तीन दर्जन साहियिक कृति का सर्जक हुन । उनले कथा, कविता सिर्जना गरेका छन । मुक्तक , गीत, गजल कोरेका छन ।
नियात्रा र हाइकुमा रमेका रमेका छन । त्यसो त सांस्कृतिक निबन्ध लेखनमा पनि उनको कलम नदिजस्तै बगिरहेकै छ । हालै साहित्यकार तथा संस्कृतिकर्मी सूर्यप्रसाद लाकोजू लेखक रहेको पनौतीका केही जात्रापर्वहरूको  दोस्रो संस्करण  लोकार्पण भएको छ । सो पुस्तकको लोकार्पण संस्कृतिकर्मी तथा इतिहासकार प्रा डा पुरुषोत्तम लोचन श्रेष्ठ , पनौती नगरपालिकाका नगर प्रमुख रामशरण भण्डारी तथा पनौती नगरपालिकाका निवर्तमान नगर प्रमुख भीम न्यौपाने र लेखक लाकोजूले संयुक्त रूपमा गर्नुभएको हो। सोही कार्यक्रममा पुस्तक लेखनका क्रममा सूचना प्रदान गर्नुहुने महानुभावहरूलाई कदर पत्र प्रदान गरिएको छ ।
कार्यक्रममा प्राडा पुरूषाेत्तमलाेचन श्रेष्ठले संस्कृति नै पहिचान भएकाले त्यसलाई विभिन्न किसिमले संरक्षण गर्नुपर्नेमा जाेड दिएका छन् । उहाँले नेपाल मण्डलकाे इतिहास र संस्कृतिमा पनाैति क्षेत्रकाे विशेष स्थान रहेका बताउनुभएको छ ।
कार्यक्रमका अर्का विशिष्ट अतिथि नगरप्रमुख भण्डारीले पनाैतिलाई अन्तर्राष्ट्रिय स्तरमा पुर्याउनका लागि यस्ता पुस्तक उपयोगी हुने र लेखकहरूलाई पनाैतिबारे तथ्यपरक इतिहास लेखनका लागि अनुराेध समेत गर्नुभएको छ ।
 कार्यक्रममा निवर्तमान न्याैपानेले पनौतीमा रहेका संस्कृतिलाई जाेगाउनु पर्ने, हराएका संस्कृतिकाे खाेजी गर्नुपर्नेमा जाेड दिँदै पनाैतिकाे सम्पदा जगेर्नाका लागि स्थानीय सरकार साथमा हुनुपर्ने बताउनुभएको छ । पुस्तकबारे टिप्पणीकार तुयुकाजी ताम्राकारले पुस्तकमा समावेश भएका सम्पदाहरूबारे गहन अध्ययन गरिएको जनाउँदै उक्त पुस्तक पनौतीका लागि स्वस्थानी जतिकै अमूल्य रहेको बताउनुभएको छ । त्यस्तै कार्यक्रममा नगर उपप्रमुख गीता बन्जाराले पनौतीको चिनारी प्रवर्द्धनमा पनौतीकै स्थानीयकाे सहयाेग जरुरी रहेकाे बताउनुभएको छ। पनाैति नगरपालिका वडा नं २ का वडा अध्यक्ष पुरूषाेत्तम अधिकारीले पनाैतिलाई चिनाउन संस्कृतिकर्मी लाकाेजूले याेगदान पुर्याइ रहेकाे बताउनुभएको छ ।
कार्यक्रममा पनाैति नगरपालिका वडा नं ७ का वडा अध्यक्ष सविन ताम्राकारले इतिहास र संस्कृतिकाे केन्द्रकाे रूपमा पनाैति रहेकाे उल्लेख गर्नुभएको छ । उहाँले विभिन्न कारणले पनाैति ओझेलमा परेकाे जनाउँदै त्यसकाे उजागरका लागि पुस्तक उपयुक्त रहेकाे बताउनुभएको छ । उहाँले लाकाेजू लिखित उक्त पुस्तक नयाँ पुस्ताका लागि मार्गदर्शक र संस्कृतिलाई जीवन्त बनाउन सहयाेगी हुने जनाउँदै पनाैतिकाे इतिहाससम्बन्धि पुस्तकलाई स्थानीय पाठ्यक्रममा समावेश गर्न पहल गर्ने प्रतिवद्दता समेत जनाउनुभएको छ ।
अक्षरमार्गले प्रकाशन गरेको सो पुस्तक प्राचीन नगर पनौतीमा वर्षभरिमा मनाईने जात्रा तथा चाडवादका विषयमा तयार पारिएको छ ।  पुस्तकलाई विषयवस्तु अनुसार पाँच खण्डमा विभाजन गरिएको जानकारी प्राप्त भएको छ । पनौती नगरको परिचय, इतिहास, जार्त्रा, पर्वहरू,  मकुण्डो नाच आदि विषय पुस्तकमा समेटिएका छन ।
पुस्तकका सर्जक साहित्यकार तथा संस्कृतिकर्मी सूर्यप्रसाद लाकोजूले नयाँ पुस्तक आफू जन्मेको माटोप्रतिको श्रध्दा, भक्ति र प्रेमको प्रतीक रहेको विचार पोख्नुभएको छ । एक अर्को प्रसंगमा साहित्य सिर्जना र अनुसन्धान फरक विषय रहेको पनि बताउनुभएको छ । पुस्तकमा पनौतीको इतिहास, यहाँ मनाइने जात्रा, पर्व, एतिहासिक नाच आदिका बारेमा जानकारी दिइएको कुरा लेखक सूर्य लाकोजूले बताएउनुभएको छ ।