तेमाल स्वास्थ्य चौकीमा आगलागी

काभ्रे । काभ्रे जिल्ला तेमाल गाउँपालिका वडा नं. ५ वडा कार्यालयको भवनसँगै रहेको स्वास्थ्य शाखाको स्टोर रुममा बिहीबार बिधुतको तार सट भई आगलागी भएको जिल्ला प्रहरी कार्यालय काभ्रेले जानकारी दिएको छ ।
उक्त आगलागी स्थानिय व्यक्ति, कर्मचारी, प्रहरीको सहयोगमा पूर्ण रुपमा नियन्त्रणमा लिएको छ । सो आगलागीबाट स्वास्थ्य शाखामा भण्डार  गरेको औषधि,  बितरण गर्नुपर्ने औजार उपकरणहरू, फर्निचर,  कम्प्युटर सेट, ल्यापटप सेट,  जिन्सी सामग्री, महत्वपुर्ण कागजपत्र र भवन पूर्ण रुपमा क्षति भएको प्रहरीले जानकारी दिएको छ ।