बिद्यालय तोडफोड र चोरी

काभ्रे । जिल्लाको भुम्लु गाउँपालिका वडा नम्बर २ सिम्थलीमा रहेको अरुणोदय मा.वि र कालीदेवी प्रा.बि मा गए राति चोरी भएको जिल्ला प्रहरी कार्यालय काभ्रेले जनाएको छ ।
प्रहरीका अनुसार कालीदेवी प्राथमिक बिद्यालयका प्रधानाध्यापक बुद्ध तामाङ्गले बिद्यालयको २ ओटा झ्याल, ढोका र दराज फुटाइएको र १ थान ल्यापटप र बिद्यार्थी पोशाक कपडाको एक रोल चोरी भएको जानकारी दिएका छन् । प्रहरीले घटना स्थलको अवलोकन गरि थप अनुसन्धान कार्य अघि बढाइरहेको जनाएको छ ।
सो घटनाका विषयमा भुम्लु गाउँपालिकाका अध्यक्ष प्रेम बहादुर भुजेलले बिद्यालयको केहि स्मार्ट बोर्डमा समेत तोडफोड भएको र करिब १० लाख बराबरको क्षति भएको बताएका छन् । त्यस्तै घटनाको मुचुल्का गरि थप अनुसन्धान गरिरहेको अध्यक्ष भुजेलले जानकारी गराएका छन् ।