वटुकहरुमाझ जन्मोत्सव मनाउँदै लायनवादका अभियान्ता

काभ्रे । लायन्स अन्तर्राष्ट्रिय डिष्ट्रिक्ट ३२५ आइ, नेपाल अन्तर्गत लायन्स क्लब अफ काठमाडौं गृहलक्ष्मीका कोषाध्यक्ष लायन ईन्दिरा हमाल र क्लब कोअर्डिनेटर लायन सुना सुवेदी बडालका छोराहरु सुदिप हमाल र अनिश बडालको जन्मोत्सव काभ्रेपलाञ्चोक जिल्लाको पनौती नगरमा रहेको सचीतीर्थ त्रिवेणी गुरुकुलका वटुकहरुको माझ मनाइएको छ ।

पछिल्लो समय तामझामका साथ विभिन्न स्टार होटल, पार्टी प्यालेसमा गएर फजुल खर्च गर्ने संस्कार हाबी भइरहँदा लायनवादका अभियान्ताहरुले भने सादगी ढंगबाट जन्मोत्सव मनाउने परम्पराको सुरुवात गरेका छन् । जसको उदाहरणको रुपमा लायन्स अन्तर्राष्ट्रिय डिष्ट्रिक्ट ३२५ आइ, नेपाल अन्तर्गत लायन्स क्लब अफ काठमाडौं गृहलक्ष्मीसँग आबद्ध लायन अभियान्ताहरुले उदाहरणीय रुपमा प्रस्तुत गरेका छन् ।

समाज परिवर्तनको तेस्रो आँखाको रुपमा रहेको लायनवाद हो भन्ने प्रमाणित गर्न अभियान्ताहरुले समाजमा प्रत्यक्ष सरोकार राख्ने गतिविधिमा आफ्नो उपस्थितिलाई दह्रो रुपमा पेश गर्दै आएको प्रमाणका रुपमा आजको यो अभियानलाई लिन सकिन्छ ।
अभियानकर्ताहरुले सचीतीर्थ त्रिवेणी गुरुकुल गोरखनाथ पनौती ६ मा अध्ययनरत ४५ जना वटुकहरुलाई डिष्ट्रीक कोअर्डिनेटर लायन विष्णु भण्डारी, वागमती प्रदेशका पूर्वमन्त्री चन्द्र लामा लगायत क्लब पदाधिकारीहरुको बाक्लो उपस्थितिमा वटुकहरुलाई ब्लाङ्केट, खाद्यान्न र आवश्यक शैक्षिक सिकाइका लागि आवश्यक पर्ने सामानहरु वितरण गरेर जन्मोत्सव मनाएका छन् ।