न्यूनतम ३५ प्रतिशत ल्याउनै पर्ने अनिवार्य सहित एसईईको तालिका सार्वजनिक

काभ्रे । राष्ट्रिय परीक्षा बोर्ड सानोठिमी भक्तपुरले गत सोमवार २०८० सालको माध्यमिक शिक्षा परीक्षा (एसइई) को तालिका सार्वजनिक गरेको छ ।
राष्ट्रिय परीक्षा बोर्डको आइतवार बसेको बैठकले एसइई परीक्षा आगामी चैत्र १५ देखि २७ गतेसम्म सञ्चालन गर्ने निर्णय गरेको हो । तालिका अनुसार २०८० सालको एसइई परीक्षा चैत १५ देखि २७ गतेसम्म सञ्चालन हुने राष्ट्रिय परीक्षा बोर्डले जनाएको छ ।
परीक्षा बिहान ८ बजेदेखि ११ बजेसम्म चल्ने छ । यस वर्षको परीक्षामा प्रत्येक विषयमा न्यूनतम ३५ प्रतिशत ल्याउनै पर्ने व्यवस्था गरेको राष्ट्रिय परीक्षा बोर्डले जनाएको छ । बोर्डले तयार गरेको प्रश्न पत्रको आधारमा परीक्षाको व्यवस्थापन प्रदेश स्तरबाट हुने भएको छ ।
यो वर्षको एसईई परीक्षाका लागि ४ लाख ८९ हजार ४ सय ४४ जनाले रजिष्ट्रेसन फाराम भरेका छन् । तीमध्ये २ लाख ४६ हजार ४ छात्र र २ लाख ४३ हजार ४ सय ४० छात्राले रजिष्ट्रेसन फाराम भरेका छन् ।
यो वर्षको परीक्षामा प्रत्येक विषयमा न्यूनतम ३५ प्रतिशत ल्याउनै पर्ने व्यवस्था गरेको राष्ट्रिय परीक्षा बोर्डले जनाएको छ । कक्षा १० का विद्यार्थीले यसपालि नयाँ पाठ्यक्रम अनुसारको परीक्षा दिँदै छन् ।