महिला नेतृत्वमय बन्दै काभ्रे जिल्ला

काभ्रे । काभ्रेपलान्चोक जिल्लाका ८ ओटा सरकारी कार्यालयको प्रमुखमा आधा धर्तीको रुपमा स्थापी महिलाले जिम्मेवारी पाएका छन् ।
अबिरलै रुपमा जुर्ने यो संयोगको भाग्यमानी जिल्ला  काभ्रे  भएको छ । ‘कुनै पनि देश साँच्चिकै फस्टाउन सक्दैन यदि उसले आफ्ना देशका  नागरिकहरूलाई योगदानबाट वञ्चित गरायो भने हो, देशको राजनीतिक प्रणाली असल भए देशका सम्पूर्ण नागरिकले समतामूलक समाजको अनुभूत गर्न पाउँछन्  । शासन सत्ताले एकल लिंगीय, एकल जातीय र एकल भाषालाई मात्र महत्त्व दिएर सदैव नेतृत्व गर्न प्रोत्साहन गर्ने र अन्य वर्ग र समुदायलाई नेतृत्व गर्नबाट रोक लगाउने परिपाटी अझै पनि कतै-कतै  छ। यहाँ-प्रथम महिला मिसेल ओबामाका केही वाक्यांश सान्दर्भिक हुन्छन् वहाँकाअनुसार: “महिलाको क्षमतालाई दबाएर राख्नु भनेको जनस्ख्याको  आधा नागरिकहरुको हिस्सालाई पछाडि धकेल्नु हो “।  आज नेपालले यो उपलब्धि हासिल गर्नुको पछाडी नेकपा माओवादीको  १० बर्षे  जनयुद्ध र १९ दिने जनआन्दोलनले महिला नेतृत्वमा भने केही आशा पलायको  छ  ।

यो सबै माओवादीको राजनैतिक एजेन्डाको उपच भन्दा फरक पर्दैन । आन्दोलन पछी महिला नेतृत्वका सवालमा नेपालका  पुर्वराष्ट्रपति, पुर्व सभामुख र पूर्वप्रधानन्यायाधीश  महिला रहेका थिए । नेतृत्वमा रहेका महिलाहरुले विषम परिस्थितिमा विवेक प्रयोग गरी देश हाँकेर पुरुष नेतृत्वलाई समेत चुनौती दिइएको  उदाहरण यो अवधिमा बाक्लै भेटिन्छन्  । नेपालको  संविधानमा ३३ प्रतिशत महिला सहभागिता अनिवार्य गरिएकाले पनि राजनीतिक क्षेत्र, गैर तथा सरकारी संघ र संस्थामा अहिले महिलाको उपस्थिति उत्साहजनक छ ।
त्यसैको सशक्त उदाहरण हो अब्बल र सक्षम  महिला नेतृत्वमा जिल्ला प्रहरी कार्यालय काभ्रेको नेतृत्व प्रहरी उपरीक्षक बसुन्धरा खड्काले सम्हालनु भएको छ ,यस अघि नै प्रमुख जिल्ला अधिकारी (सिडिओ)मा  पनि महिला नै हुनुहुन्थ्यो । नेपाल सरकारका  सहसचिव रुद्रादेवी शर्मा । प्रहरी नेतृत्व पनि महिला नै भएपछि जिल्ला प्रशासन र प्रहरी प्रमुखमा महिलाले  नेतृत्व हाक्नु भएको छ । जसले सिङ्गो जिल्ला नै महिलामयको अनुभुति जिल्लाबासिले गर्न पुगेका छन् ।
संयोग पनि त्यस्तै जुरेको छ यस अघि नै  काभ्रेका अन्य ६ वटा सरकारी कार्यालयहरूमा  महिलाको कमाण्डमा  कार्यसम्पादन बढी सकेको थियो-जसमा  शिक्षा विकास तथा समन्वय इकाई,काभ्रेपलाञ्चोकको प्रमुखमा देवका ढकाल तथा स्वास्थ्य कार्यालयको प्रमुखमा अनिता खनाल कार्यरत हुनुहुन्छ । त्यस्तै पशु सेवा कार्यालयमा डा. सिर्जा वाग्ले, जिल्ला आयुर्वेद स्वास्थ्य केन्द्रमा डा. वशंवदा कौडिन्न्यायनी, खाद्य प्रविधी तथा गुण नियन्त्रण डिभिजन कार्यालयमा मनिषा चापागाई तथा स्वास्थ्य बिमा बोर्डको जिल्ला कार्यालयमा मुना निरौलाले नेतृत्व गर्दै आएउनु भएको छ ।