सर्वसम्मत नेतृत्व नै आजको आवश्यकताः आकांक्षी वैद्य

काभ्रे । व्यवसायिक क्षेत्रमा छुट्टै पहिचान बोकेको काभ्रे उद्योग बाणिज्य संघको नयाँ नेतृत्वको लागि चहलपहल बढेको छ ।
उद्योग वाणिज्य संघले वार्षिक साधारण सभा र ४२औं जिल्ला सभाको सूचना सार्वजनिक सँगसँगै व्यवसायिक नेतृत्वको लागि रस्साकस्सी सुरु भएको छ । यो समाचार तयार पार्दासम्म अध्यक्ष पदका लागि युवा व्यवसायी, उद्यमी प्रताप वैद्यले आफ्नो उम्मेदवारी घोषणा गर्नुभएको छ । त्यसैगरी अन्य व्यवसायीहरुमा वर्तमान अध्यक्ष राजेन्द्र पसछें दोहो¥याउने मनसायमा देखिएका छन् भने गत निर्वाचनका अध्यक्ष पदका प्रतिस्पर्धी बसन्त नारायण भोछिभोया, वर्तमान महासचिव रविन्द्र वैदारको नाम चर्चामा रहेको छ ।
काभ्रे जिल्ला संघको गत चैत्र २२ गते बसेको कार्य समिति बैठकले आगामी जेठ १९ गते ४२औ जिल्ला सभासहित अधिवेशन गर्ने निर्णय गरेको थियो । त्यससँगै जिल्लाका ब्यवसायीहरु नेतृत्व हत्याउन व्यस्त देखिन्छन् । के गर्दा आफ्नो पक्षमा व्यवसायिक मत तान्न सकिन्छ भनेर लागिपरेको सहजै अनुमान गर्न सकिन्छ ।
अहिले काभ्रेको व्यवसायिक राजधानी भनेर परिचित बनेपा र धुलिखेल नगरमा निकै चहलपहल बढेको पाइन्छ । संघको नेतृत्वका लागि वर्तमान कार्य समितिमा रहेका उद्योगी ब्यवसायीहरुबीच सर्वसम्वत नेतृत्व चयन गर्ने प्रयास शुरु गरिएको छ । अघिल्लो पटक निर्वाचनपछि निर्वाचित समितिलाई काम गर्ने वातावरण सहज नभएको अनुभूति गर्दै यो पटक ब्यवसायीहरुले सहमतिमा साझा नेतृत्व चयन गर्ने प्रयास गरेको आकांक्षी प्रताप वैद्यले खुलासा गरेका छन् ।
अघिल्लो निर्वाचनमा दुई हजारभन्दा धेरै सदस्य भए पनि करिव एक हजार मत खसेको थियो । दुई समुह बनेर निर्वाचनमा होमिएको अघिल्लो कार्य समितिले करिव तीन वर्ष बिताएको छ । हरेक दुई दुई वर्षमा हुनुपर्ने निर्वाचन कमजोर नेतृत्वकै कारण लम्बिएको छ । जसका कारण व्यवसायीहरुमा संघप्रति सकारात्मक भावनाको विकास भएको देखिँदैन । त्यसैले यस पटकको नेतृत्व सर्वसम्मत रुपमा आफूलाई व्यवसायीहरुले स्वीकार्ने संकेत मिलेको उद्घोष आकांक्षी वैद्यले गर्दै सर्वसम्मत नेतृत्व नै आजको आवश्यकता रहेको धारणा राख्नुभएको छ । जसबाट युवा नेतृत्वले व्यवसायिकतालाई स्थापित गर्नेमा समस्त मतदाताहरु सहमत हुनेछन् भन्ने अपेक्षा आफूले लिएको भेटका क्रममा आकांक्षी वैद्यले खुलाएका हुन् ।