‘बीवाईडी’ गाडीको एक्सचेन्ज क्याम्प २५ गतेबाट

काभ्रे । कामना अटोमोबाईल्स प्रालिले बनेपामा तीन दिने बीवाईडी एक्सचेन्ज क्याम्प शुरु गरेको छ । साउन २५ देखि शुरु भएको क्याम्प भोलिसम्म संचालन हुने र उक्त क्याम्पमा तीनवटा मोडलका बीवाईडी गाडी खरिद गर्न सकिने कामना अटोमोवाईल्सका अध्यक्ष लक्ष्मण बञ्जाराले जानकारी दिनुभएको छ ।
बनेपा नगरपालिकामा बीवाईडी गाडीको शो रुम र सर्भिस सेन्टर रहने पनि उहाँले बताउनुभएको छ । एक्सचेन्ज अफरमा ६७ लाख ८० हजार रुपैयाँ पर्ने सुपरियर, ५६ लाख ८० हजार पर्ने एडभान्स र ४१ लाख १५ हजार पर्ने डलफिनसँग एक्सचेन्ज गर्न सकिने कम्पनीले जनाएको छ ।
बनेपामा आयोजित पत्रकार सम्मेलनमा एक्सचेन्ज अफर र गाडीका विशेषताका बारेमा जानकारी दिँदै कम्पनीले सर्वाधिक विक्री हुने प्यासेन्जर कारको छबी बनाएको वीवाईडीले वीवाईडी एट्टो ३ र डलफिनसँग एक्सचेन्ज गरि अतिरिक्त लाभ लिन सक्ने समेत जानकारी दिइएको छ ।
एक वर्षको अटो प्लस विमा, ७ किलोवाट क्षमताको चार्जर, भेईकल–टु–लोड केवल, पुरानो गाडीमा उच्च मूल्यांकन र अतिरिक्त लाभ, ७ वर्षका लागि ८० प्रतिशत फाईनान्स सुविधा उपलब्ध गराएको छ । ८.५ प्रतिशतको स्थिर ब्याजदरमा कम्पनी आफैंले बैंकिङ्ग सुविधा उपलब्ध गराउने गरी एक्सचेन्ज अफरको आयोजना गरिएको कामना अटोमोबाइल प्रालिका अध्यक्ष बञ्जाराले बताउनुभएको छ ।