काभ्रे क्याम्पसमा स्पोर्टस हल सञ्चालन

काभ्रे । काभ्रेपलाञ्चोक जिल्लाको प्रमुख व्यापारिक केन्द्रको रुपमा परिचित बनेपामा संञ्चालित काभ्रे बहुमुखी क्याम्पसमा निर्मित स्पोर्ट्स हल सञ्चालनमा आएको छ ।
खनिबार एक कार्यक्रमको विचमा बागमती प्रदेशका मुख्यमन्त्री बहादुर सिं लामाले उक्त स्पोर्टेस हलको उद्घाटन भएको हो । स्पोर्टेस हलको उद्घाटन गर्दै प्रमुख अतिथि मुख्यमन्त्री लामाले खेलकुद क्षेत्रमा लगानी गर्न आवश्यक रहेको बताउनु भयो । काभ्रे बहुमुखी क्याम्पसमा निर्मित स्पोर्ट्स हलले नगरमा धेरै खेलाडी उत्पादन गर्न सक्ने उहाँको तर्क थियो । खेलकुदको क्षेत्रमा खासै लगानी नगरिएको र यस क्षेत्रमा लगानी गर्न आवश्यक रहेको छ ।
खेलकुदको क्षेत्रमा पनि धेरै विकास गर्न आवश्य रहेको देखिएको छ, जसका लागि प्रदेश सरकारले आवश्यक साथ सहयोग गर्ने छ । खेलले मानिसलाई स्वस्थ्य र अनुशासित बनाउने भएकाले सानै उमेरबाटै खेलकुदका क्रियाकलापमा सहभागी हुनु राम्रो हो । मुख्यमन्त्री लामाले भन्नुभयो ।
क्याम्पस व्यवस्थापन समितिका अध्यक्ष लम्बोदर कायस्थले स्वागत मन्तव्य साथै क्याम्पस प्रमुख केजी वैदारको सभापतित्वमा सुरुभएको कार्यक्रममा बागमती प्रदेश सभाका सदस्य कञ्चनचन्द्र बादेले नगरपालिका र क्याम्पसको सहकार्यमा निर्माण गरिएको यस प्रकारको खेलको विकास कार्यले खेलाडीहरुलाई थप प्रोत्साहन मिल्ने बताउनुभयो ।
उक्त क्याप्समा स्पोर्ट्स हल बनेपा नगरपालिकाको करिब ४० लाख सहयोगमा निर्माण गरिएको बनेपा नगरपालिकाका प्रमुख शान्ति रत्न शाक्यले जानकारी गराउनु भयो । कार्यक्रममा बनेपा नगरपालिका उपप्रमुख बिमला सापकोटाले खेलका लागि पूर्वाधार क्षेत्रमा धेरै विकास गर्न बाँकी रहेको बताउनु भयो ।