छैठौं दिनसम्म आइपुग्दा ५औं बनेपा महोत्सवले इतिहास रच्न पुग्यो

काभ्रे । बनेपा बोइज क्लब (बिबिसी) द्वारा आयोजित ‘५औं बनेपा महोत्सव २०८१’ को छैठौं दिनसम्म आइपुग्दा यस अघिका महोत्सवहरुलाई ओझेलमा पार्दै इतिहास रच्न सफल भएको अवलोकनकर्ताहरुले समिक्षा गरेका छन् ।
गत शुक्रबार बागमती प्रदेशका आर्थिक मामिला तथा योजना मन्त्री कुन्दन राज काफ्लेले स्थानीय उत्पादन संरक्षण तथा प्रर्बद्धन गर्न प्रदेश सरकार अग्रसर रहने बताउनुहुँदै शुभारम्भ गर्नुभएको महोत्सवले स्थानीय, जिल्लावासीलाई मात्र नभई छिमेकी जिल्लाका आन्तरिक पर्यटनमा रम्नेहरुका लागि आकर्षक गन्तव्य थलो बन्न पुगेको छ बनेपा महोत्सव २०८१ ।
उद्घाटन कार्यक्रममा मन्त्री काफ्लेले पछिल्लो समय देशमा सबै क्षेत्रका आर्थिक क्षेत्र घाटामा गइरहेको अवस्थामा स्थानीय स्तरमा उत्पादन भएका सामग्रीहरुको संरक्षण र प्रवद्र्धन गर्नाले आर्थिक समृद्धि हुने अपेक्षा गरिएको बताउनुभएको छ ।
कार्यक्रमलाई सम्बोधन गर्दै जिल्ला समन्वय समितिका प्रमुख दिपक कुमार गौतमले यस प्रकारको मेला महोत्सवले स्थानीय उत्पादन तथा कलाको संरक्षण तथा प्रर्बद्धन हुने विश्वास व्यक्त गर्नुभएको छ ।
असोज ४ गतेदेखि १९ गतेसम्म चल्ने बनेपा महोत्सव–२०८१ मा आन्तरिक पर्यटनलाई आकर्षित गर्ने, विभिन्न कृषि, धार्मिक, सांंस्कृतिक, औद्योगिक, हस्तकला प्रवर्द्धन गर्ने, खेलकुदको विकास, कला, संस्कृति, घरेलु उद्योग र व्यापारिक प्रबर्द्धन तथा प्रचारप्रसार गर्ने प्रमुख उद्देश्य रहेको बनेपा बोइज क्लब (बिबिसी) का अध्यक्ष महेशकुमार कर्माचार्यले जानकारी दिँदै कृषि, घरेलु सामाग्री लगायत १ सय भन्दा बढी व्यापारिक स्टल रहने महोत्सवमा बालबालिकाहरुको मनोरञ्जनको लागि बाल उद्यानको समेत व्यवस्थाले अभिभावक तथा बालबालिकाहरुको रोजाइमा यो पटकको महोत्सव परेको छ भने साथमा नयाँ आकर्षण दिएको खेलकुदले पनि खेलप्रेमीहरुलाई महोत्सवहरुलाई तान्न महत्वपूर्ण भूमिका खेलेको अवलोकनकर्ताको बुझाई छ ।
प्रत्येक दिन राष्ट्रिय स्तरका कलाकार सम्मिलित सांस्कृतिक कार्यक्रमका साथै जिल्ला भित्रका नवप्रतिभावान कलाकारहरुलाई विशेष प्राथमिकता दिइनेछ भने महिला भलिबल, युथ फुटबल, खुल्ला नृत्य तथा गायन, मार्सलआर्ट र धिमे बाजा समेतको दैनिक प्रस्तुतीले अवलोकनकर्ताहरुलाई दोहो¥याई–दोहो¥याई मनोरञ्जन लिनका लागि प्रेरित गरेको आयोजक प्रतिनिधि एवं बिबिसीका अध्यक्ष कर्माचार्यले जनाएका छ ।