पार्टी भेन्युबाट लिङ्देनको गर्जन

काभ्रे । राष्ट्रिय प्रजातन्त्र पार्टी नेपालको ८औं काभ्रे जिल्ला अधिवेशन आज र भोलि व्यवसायिक नगरी बनेपामा रहेको बनेपा पार्टी भेन्युमा हुँदैछ ।
उक्त अधिवेशनलाई राप्रपाका केन्द्रीय अध्यक्ष प्रखर वक्ता राजेन्द्र लिङ्देनले आज सम्बोधन गर्ने राप्रपाका अध्यक्ष गणेश श्रेष्ठले जानकारी गराएका छन् । उक्त अधिवेशनलाई केन्द्रीय नेतृत्वसँगै जिल्लाका प्रतिष्ठित नेतृत्वबाट प्रशिक्षणात्मक सम्बोधन हुने क्षेत्रीय अध्यक्ष एवं जिल्ला सदस्य केदार प्रसाद ढुंगानाले जानकारी गराउनुभएको छ ।
जिल्लाका १३ वटै पालिकाबाट प्रतिनिधि परीवेक्षकहरुको सहभागिता भइसकेको जानकारी दिँदै जिल्लाको नेतृत्वका लागि वर्तमान नेतृत्व गरिरहनुभएका गणेश श्रेष्ठ, हिरा बजगाईं, सहदेव थापा र रञ्जित श्रेष्ठले अध्यक्षका लागि दाबी पेश गरेको ढुंगानाले जानकारी गराउनुभएको छ ।
जिल्ला अधिवेशनका बारेमा युवा नेता विनोद पौड्यालको कथन छ– राप्रपा समय, देश सुहाउँदो परिवेशमा अगाडि बढ्दै छ । मुलुकमा व्याप्त रहेको विकृति, विसंगतिका विरुद्ध यो अधिवेशनले काभ्रेली जनतालाई नयाँ अनुभूति गराउने छ । राष्ट्र, राष्ट्रियता, जनजिविकाका सवालमा राप्रपाले आफ्नो घोषणा पत्रमा प्रष्ट खुलाएको हुँदा नेपाली जनताले आगामी दिनमा राप्रपालाई मुलुकको अभिन्न शक्तिका रुपमा स्थापित गर्नेछन् भन्ने विश्वास आफूले लिएको नेता पौड्यालले संवादका क्रममा खुलासा गर्नुभएको छ ।